插隊小學生不滿被港媽教訓 疑偷影裙底報復 港媽激動反擊卻後悔

撰文：Clara | 資料授權：「生仔要考牌系列」｜圖片來源：SHUTTERSTOCK

港媽教訓插隊小孩

一名港媽於Facebook專頁「生仔要考牌系列」投稿，她指早前去主題樂園時遇到不愉快事件。事緣仔女要去迪士尼影幼稚園畢業相，於是港媽順道同仔女在園內遊玩。當日樂園很多人，每個機動遊戲都要排30分鐘以上，排隊中途，港媽見到後面有七至八個目測小學五、六年級的小朋友排到很混亂，又在人龍中玩耍。突然，其中有兩個小朋友插隊，港媽叫他們排回原位，他們就開始有怨言。

疑被偷影裙底報復

那兩個小朋友在背後嘲諷港媽女兒，還一度奸笑：「著件露腰嘅公主衫好似裸體，著到裸體咁…」港媽聽到，於是調轉望後面，見到他們拿著自拍棍放在地下向上影，一邊影，一邊偷笑。兒子目睹事件發生經過，提醒媽媽：「見佢哋有喺你腳下面搖咗幾下」港媽當時身穿牛仔裙，懷疑他們會拍到自己裙底，於是保持冷靜地向管理這群小學生的負責人問：「請問你係咪佢哋負責人？我懷疑佢哋頭先用自拍神棍周圍影，影到我裙底，我想睇吓有無影到，如果影到，要佢哋刪咗佢。」

即時刪片＋不屑單打激嬲港媽

不過負責人叫那兩個小孩交出影片時，他們突然刪走影片。港媽見到他們這樣做，懷疑他們作賊心虛，於是怒斥他們：「咁即係有影到啦！唔該你叫佢哋唔好再咁做，我可以報警㗎！同埋唔好再大大聲係咁話我女『著到裸體咁』！」負責人愣住了，連小朋友都變得安靜。

之後港媽同仔女解釋事發經過，但她聽到那兩個小孩不屑地仔說：「黐線，影到佢裙底…」港媽怒火中燒，最後大反擊：「你係咪唔知發生緊咩事？使唔使我詳細講番畀你知？你知唔知你哋做緊嘅嘢係犯法㗎？我係可以報警拉你哋㗎！」接下來，小朋友都變得安靜，不敢再鬧事，各自玩電話直到排完隊。

擔心自己行為太過分 網民不認同

事後，單純善良的兒子認為媽媽應該給他們一次機會，港媽指自己已經有給機會，否則會馬上報警。她指自知那面個小孩只是因為貪玩，或者不滿自己插隊被教訓，所以才會偷影底做報復，沒有甚麼壞想法。她解釋自己示意只想威嚇他們，擔心自己令負責人感到為難：「我係咪太過分？」

不過網民紛紛支持港媽，認為她做得很好，可教導小朋友正確的思想，同時保護自己身體，他們甚至覺得港媽應該直接報警：「知道自己受到傷害就要出聲，唔可以啞忍縱容，就算唔可以令對方覺悟，起碼你都教識自己小朋友保護自己嘅方法。」、「唔係小朋友就大晒，唔小心可以原諒，刻意去做就係另一回事，事後仲要不知悔改。你唔話佢哋，遲早都會得罪其他人被人鬧」、「屋企唔教，就唔好怪街外人幫你教仔！」

網民補充，現時愈來愈多家長只著重仔女成績，不著重他們的道德觀，間接導致他們周圍闖禍：「小朋友做錯嘢，家長就話：『佢只不過係小朋友』根本教都無教」、「依家好多細路唔知係無人教定點，勁無禮貌」、「好多家長都覺得無所謂，其實將來會自己受番㗎」。

偷影裙底可能觸犯罪行

偷影裙底可能觸犯以下罪行（視乎個別情況而定）：第一，「作出有違公德的行為」罪，一經定罪，最高刑罰為監禁7年及罰款；第二，「公眾地方內擾亂秩序行為」罪，一經定罪，可處第2級罰款及監禁12個月。