媽媽抱B搭小巴受氣 網民話「恃B享特權」
廣告
近日有媽媽於網上狂呻搭小巴的不快經歷，指自己因手抱着初生BB ，上車冇手入錢，向司機要求落車付款，點知成程俾司機狂鬧，甚至想趕她落車！
撰文：Sunday Kiss 圖片：新傳媒資料室，Facebook群組「Fanling 粉嶺」
司機全程鬧：有心走數！
當事人媽媽日前於Facebook群組「Fanling 粉嶺」發文，指當日下午約6時上車，當時小巴上只剩下車尾一個空位，由於她手抱B，冇手攞八達通俾錢，於是同司機講落車先俾，點知司機話︰「唔得！要上車俾錢，唔俾錢就落車」，跟住就叫其他等緊車嘅乘客上車。後來車上有好心人代當事媽媽俾錢，但係司機全程一直鬧佢「有心走數」。
由於不願「被屈」，待乘客全數落車後，當事媽媽即上前與司機理論，點知司機唔理佢抱住BB ，想照開車。佢想澄清自己並非存心走數，但司機反指當事媽媽「真心癲癲地」。
帖文一出又惹起網民爭論，司機和當事媽媽都各有人撐，有人話「抱住個B上小巴好有壓力」、「大家搭小巴都受過氣」。亦有部分留言則質疑事主「恃B享特權」，「明知自己上車就準備定錢」。
亦有部分留言則質疑事主「恃B享特權」，「明知自己上車就準備定錢」。
公說公有理，其實大家都多點同理心，或者就可以冇咁多爭拗啦。
如果換咗係你，你又會點呢？
