港女搭巴士無位坐 大鬧小童唔畀錢霸住個位!網民:有理但冇品
港女網上大鬧小童搭巴士唔使畀車錢又霸住個位
一名女網民於facebook討論區「屯門公路塞車關注組」發文,她問網民有沒有試過見到全巴士餘下一個座位,以為無人,但走近才發現有BB或小童正坐在座位上。女網民覺得自己明明有付費,卻被免費搭巴士的BB或小童佔用座位,感到很不公平:「唔使畀錢但係又霸咗個位, 真係火都滾呀!第一次留言, 唔啱聽嘅鬧吓好啦,唔好打臉啊!」
![搭巴士 車資 53號巴士全程74站,車程成 106 分鐘。(示意圖)(圖片來源:新假期編輯部)](https://imgs.sundaykiss.com/wp-content/uploads/2023/05/img_1467_547029192594b91be17f31_12263984060d0357821201-1024x683_141607235060d5514ba9d0e_9132390726116073bcb114-1024x683_797210897646acd8b4ea3a-1024x683.jpeg)
媽媽網民感難受訴苦況:你點知人哋無幫個小朋友畀錢?
帖文引來不少網民留言,有人指女網民或許沒有搞清狀況:「你點知人哋無幫個小朋友畀錢?」女網民回覆,指自己只是猜測其父母九成沒有為BB或小童支付車費。
有媽媽網民批評女網民未曾有小朋友,不懂設身處地為其他父母著想,第一,小朋友疲倦時會容易發脾氣,怕會騷擾其他乘客;第二,當家長拿著一袋二袋餸菜,又要拖實小朋友,如果坐長途車,企足全程,對家長同小朋友來說都會很辛苦。她們斥罵女網民與小朋友計較,為人小器,亦不懂包容別人:「睇嚟你冇仔女」、「小朋友唔係人咩?」、「個位你寫咗名?」、「唔好同小朋友爭位坐啦」
另外,有媽媽網民表示曾經帶過未滿四歲的女兒搭巴士,為免被人指手劃腳,她當時有為女兒支付車費,怎料被人懷疑她沒有付車資,要求她拿出證據:「有人嚟挑機話個細路無畀錢,然後我叫佢落去搵司機問,叫佢唔好打我女個座位主意。其實點都好,畀錢、唔畀錢都總有啲人會睇唔過眼。」由此可見,身為父母,面對這個兩難情況其實也很無奈,希望大家給予多點同理心,不要事事放上網大鬧。
港女即以1事反駁:唔可以霸佔一個位
惟該名女網民反駁,根據香港現時巴士附例(連結按此),每位成人乘客可免費帶同最多兩名四歲以下,而且不佔座位的兒童乘車。她認為BB或小童不需收費,但已經佔了座位,是違反巴士附例。
故此她建議家長們可以將未滿四歲的仔女放在大腿,讓出座位:「我知唔畀錢,要坐阿媽大髀,唔可以霸佔一個位。」更強調返足一日工已經好攰,仲要回家時遇到逼到似沙甸魚的交通工具,真的會生氣!
![搭巴士 車資 強調返足一日工已經好攰,仲要回家時遇到逼到似沙甸魚的交通工具,真的會生氣!(示意圖,非當事人)(圖片來源:Viutv《大叔的愛》截圖)](https://imgs.sundaykiss.com/wp-content/uploads/2023/05/2021-08-12-234350_1419954715611541c135761-1024x538_1229957128646acd8636098-1024x538.jpeg)
亦有網民力撐:返一日工好攰好想坐低!
部分打工仔網民則支持該女網民,他們表示返足全日工,身心極之疲倦,放工搭車的確想找個座位好好休息,若果見到BB或小童有位坐,心裡面會發牢騷:「返一日工好攰,希望啲家長喺人多時抱住小朋友,讓個位出嚟」、「試過司機話樓上好多位,點知都係小朋友坐咗,想落番樓下又塞住咗」。
![搭巴士 車資 有網民稱:希望啲家長喺人多時抱住小朋友,讓個位出嚟。(示意圖)(圖片來源:新假期編輯部)](https://imgs.sundaykiss.com/wp-content/uploads/2023/05/img_3903_172901753760d02f42afff4_1304955809646acd84223da.jpeg)