支持母乳! 20個港鐵站設哺乳間
廣告
為方便母乳媽媽餵哺母乳，20個港鐵站由即日起設立哺乳間，包括九龍塘、旺角、中環、金鐘、尖沙咀等繁忙車站，乘客只須通知站內職員，即可獲安排使用。
20個港鐵站設哺乳間
哺乳間備有屏風、枱椅、消毒啫喱及廢紙箱，供乘客於聯絡職員後隨時使用。港鐵亦指，如車站未設有哺乳間，職員會為有需要的乘客安排房間。另外哺乳間亦設有枱椅，方便媽媽為BB換片，港鐵職員亦表示，車站職員都會喺乘客用完餵哺母乳設施後，安排清潔公司員工到場，希望下一位使用嘅乘客，能夠有舒適嘅環境。
網民對新設施表示歡迎，有媽媽留言：「餵奶其實真係有張有靠背的椅子就足夠，當然可以更進步啦！希望更多車站可以加設呢項設施。」
另外也有網民建議港鐵哺乳間要做好通風系統，她表示：「因餵奶都要一段時間，如果唔通風，媽媽都缺氧。」港鐵其後回覆：「餵哺母乳設施所在嘅房間本身都有獨立冷氣，相信都可以應付所需！」
有網民支持新設施之餘，也提出其他建議：「不如裝埋飲水機好嗎？幫到地球慳返啲膠樽，亦即係幫到所有大人細路！」不過港鐵就表示：「先要獲消防處批准，亦要考慮衛生問題。」相信要落實還需要時間。
設哺乳間的20個轉線車站包括：
九龍塘站
尖沙嘴站
油麻地站
旺角站
太子站
美孚站
茘景站
中環站
金鐘站
鰂魚涌站
北角站
油塘站
調景嶺站
香港站
九龍站
欣澳站
南昌站
青衣站
紅磡站
大圍站
