新手老師分享遇上 怪獸家長 經歷
撰文：Heidi Lau/post.shikoto
圖片：網絡
文章如下：
我係教院讀左五年，聽住d老師講做老師唔止要教學生書本上既知識，仲要教佢做人既道理，呢d先係為人師表。亦聽過好多老師講而家d細路有幾難攪，d怪獸家長有幾怪獸，但我實習既時候就冇遇到過。
到我返第一份工，終於比我見識到。我第一份工，試用期3個月，我負責教幾班英文同數學，仲要負責一個制服團體既課外活動，就不外乎收派通告，攪下活動咁。佢派我去睇制服團體既課外活動，其實我心諗得米啦！我中學都玩左6年女童軍，對呢d課外活動既運作好熟，可惜事與願違。
而我既惡夢就由收一份通告開始，我派左張集會通告比所有隊員。叫佢地係一星期之內交比收通告既同學。點知有位隊員遲遲唔交通告，由月頭追到月尾都未交。於是，我有一日集會既時候捉左佢出黎話。
「陳家言，交張通告交成個月，幾時先交到呀？」
「我唔知收通告個個人咩班房呀？」
「我上次咪同左你講囉，仲抄埋比你！」其實我已經連續3個星期同佢講過，上次仲抄埋比佢。
「唔見左。」
「唔見左識唔識問人呀？比d責任感，主動交通告得唔得呀？」我已經慶慶地。
「得…….」
「聽日一定要交到，okay?」
「哦！」
點知個晚我就收到佢老母電話，呀sorry，佢媽媽至岩。
「喂！你好！」
「你就係梁老師呀？」
「係呀！請問你係？」
「我係陳家言媽咪呀！我想講呢，我聽左我個仔講你今日鬧佢，你知唔知佢而家好唔開心呀？」（你夜媽媽打黎，我夠唔開心啦！）
「係咩！可能我語氣重左，但佢的確講極都唔交通告。」老實講我第一次接到呢d電話真係有d淆底，而且我試用期未過，好驚因爲家長投訴而冇左份工，而家真係搵食艱難呀！於是我廢時同佢噪，攪大件事，語氣都保持謙卑。
「佢話佢唔知個收通告既人係咩班房喎！點交呀！你咁都話佢，關佢咩事呢！」（我挑，搵呀媽出頭都算，仲隱瞞事實，算你好野)
「其實我已經同佢講左幾次架啦（至少4次）！不過佢唔知係咪大頭蝦唔記得呢？」（我已經開始睇唔起我自己）
「其實邊個搵邊個係咪真係咁重要呢？點解唔可以佢黎搵佢收通告呢？」
「其實呢收通告個位幹事都只係一個學生，我地呢個團體幾十個隊員，級級都有人，佢一個人好難逐個搵架！而且我地希望隊員負責任，有交帶，先要佢地主動交通告。」
佢媽媽靜左兩秒，又再話：「我個仔都唔知個個人咩班，點識交呀！」（又黎又黎，又重覆岩岩先講過既野，我屋企人已經係廳等緊我開飯。）
「冇問題架，唔緊要，我地每個隊員都係咁做既，不過既然主動交通告對呀家言黎講真係咁困難的話，我可以唔使佢主動交架，我專收佢啦！咁樣會唔會方便你？」
「其他隊員都係自己交咁？」
「係呀！」
「咁又唔好，既然我叫佢入黎呢到就要跟你地做事，我以後會叫佢主動交架啦！」（吓！咁你打黎為物呀！）
收左線之後，我成個人冇曬胃口，只係食左幾粒飯就入房。我係一個老師，但個刻我真係覺得自己好卑微，為左份工，同d家長低聲下氣，究竟我係黎做教育，定係黎比家長教育。個刻，我覺得我唔係一個老師，亦唔配做一個老師。
到左第二日，免得佢又同呀媽講我針對佢，我仲要一視同仁。但我心底已經嬲到核爆。
相安無事咁過左一個星期，不幸再次降臨。
「梁老師，梁老師，你做咩流曬血？哇，你個傷口好深呀！要call白車。」
「嗯⋯⋯」我已經痛到咩都講唔到。
入醫院止左血包紮好之後，第二日我如常返工。校長叫左我入房，問：「梁老師，好返d未？」
「好返好多啦！校長，有心啦！」
「尋日問唔到你，我想問返你點整到架？」
「我用介刀失手整到架，唔好意思，我太大意麻煩到大家！」
「你唔需要同陳家言隱瞞啦！我係佢櫃筒搵到把介刀。」
「佢仲細，我唔想⋯」
「我地已經報左警啦！佢既行為已經嚴重危害各位老師同同學既安全。希望你如實落口供，佢要為自己做既事負責。」
「係。」
最後佢被判左入男童院。
教院同學聚會既時候，有同學係到呻返工遇到好多 怪獸家長 ，佢好激動咁問我：「當家長唔比你教好佢個仔，你可以點做？你可以點做？」
我笑住咁同佢講：「將個學生送入男童院。」
係庭上陳家言比人扣入男童院既最後一刻，佢都同人講：「我冇做過。」
可惜！冇人信佢。
或者，我真係唔配做一個老師。
網民留言撐老師
而呢篇文章都引來不少網友留言，網民紛紛留言，呢一代的細路喺家長教導下，已經唔識尊師重道。
