港女羽田機場用護照怒擲地勤 最後竟獲放生！網民：呢個原因超戇居
廣告
早前疫情時，全世甲都處於封關的狀態，現時生活重回正軌，不少人都追回失去的時間，瘋狂地報復式去旅行，社交平台都不時見到好友正在旅遊中打卡，不過出門在外的各位都要好好留意自己的言行舉止，日前就有一名網民於Facebook群組上作出公審，港女在日本機場上做出超失禮的行為，最誇張是港女用護照怒擲地勤，更擊中對方頭部部，不但沒有道歉，甚至因1原因獲放生，引起不少網民的熱烈討論。
港女大鬧日本羽田機場 用護照怒擲地勤
近日有網民在Facebook群組「HK Express 香港快運及旅行資訊關注組」中發文公審一名港女，當中寫到上周五（15/11）晚上於羽田機場坐乘坐UO623航班返回香港時，見到一對夫婦在閘口擾攘：「個女人拎住老公本護照走咗入閘，個老公冇護照上唔到機，老公叫住佢，個女人就好嬲咁離遠扔本護照出嚟，一嘢扔中咗機場地勤，全場人都呆晒！個地勤無啦啦畀佢扔中個頭，頭髮都打亂晒，個樣勁想喊！個女人明知自己扔中人，sorry都冇講就即刻走咗入去」。
港女未有向地勤道歉 最後1原因竟獲放生
盡量周邊有不少工作人員叫停港女，不過對方就「扮聽唔到」！事主表示：「本身已經抽返佢機票出嚟想call人幫手，後來見本身delay咗大半個鐘趕起飛就冇咗回事」，事件引起不少網民討論，當中有人好奇「個老公冇出聲？」，而事主則表示：「無！個老公勁鵪鶉，個女人係免稅店個陣已經係咁X個老公，講嘢西到我喺另一邊都聽到，後來先發現同一班機，個老公全程跟住個女人尾，個女人全程個樣勁西！」
此外，亦有不少網民表示日本的地勤非常善良：「對住野蠻人應該報警」、「香港人唔值得去日本」、「垃圾旅客，又冇常識又蠢又冇品！」、「個男人真係付出好大，幫香港男人啃住呢件kam嘢」、「呢啲要影相公審！」
宜家香港人又嘈又冇禮貌，影衰晒
佢老公都勁慘，好似鵪鶉跟係尾
圖片來源：小紅書、《愛回家》劇照資料或影片來源：原文刊於Gotrip
