尖沙咀米線「名店」爆粗鬧港男：你哋食唔起我哋啲米線！引網民眾怒

港男投訴尖沙咀星林居店員態度勁差！一句「你哋食唔起我哋啲米線呀」引起怒火

有男網民跟女朋友早前幫襯了位於尖沙咀樂道的星林居，誰料卻發生了不愉快的經歷。他於帖文中寫道，當時他們入舖後沒有店員理會，故他們只好大聲問店員：「兩位，後面坐唔坐得？」，而當時店員以極不耐煩的態度回應他們，要他們坐門口位置。

但是他們坐著坐著，忍受不了悶熱的天氣，向店員詢問能否調高一點冷氣，誰料店員一句指冷氣已調到最大，無視了事主的訴求便拂袖而去。而正當米線上菜時，事主向店員再要求一次，希望把一個風扇吹正自己，但店員亦回應：「無得搞，係咁㗎啦。」

眼看店員再次無視自己請求，事主終於忍不住大鬧：「有冇搞錯呀呢啲乜嘢服務態度嚟㗎。」，而店員走過來回應：「安排得你坐你就坐啦咁多嗲。」，當時收銀姐姐眼看不對路，立即溫和地指：「冇事冇事，唔好意思呀先生你哋係咪想坐裏面，裏面真係涼啲嘅你哋入去坐啦。」。但奈何事主已被店員辣㷫，指：「你哋呢個阿叔職員食咗屎呀，把口咁臭嘅？我哋依家唔食，我哋走。」。

最後店員一聽到事主指自己要離去，更惹火回應：「走啦XX你哋食唔起我哋啲米線呀。」，這惹火回應讓事主忍不住把今次的不愉快事件記錄出文，事主更於文末寫道「我哋真係食唔起呢啲「名店」咁矜貴，仲要人X街。祝你長命百歲。」。

網民圍插餐廳：貼錢買難受！

帖文一出後，立即引來不少網民圍插餐廳，有人表示「無禮貌嘅店員唔使有禮貌對佢，一到間餐廳直入就算」、「一開始就唔應該坐低食，唔使貼錢買難受」、「呢間米線 一啲都唔好食，環境又差」、「越出名，寧願排隊等食嗰啲食店，好多都好衰，態度唔好又寸，呢樣唔得、嗰樣唔畀，總之貼錢買難受」、「建議通通唔好問直入直坐，有啲店你越有規矩佢越恰你」。

也有網民道出今時今日服務業的悲歌，有人指「依家香港生活真係好慘」、「香港有服務先唔正常」、「今時今日要求有好嘅服務態度唔得㗎」。不過也有人指該惹火店員原來是老闆，所以才會有如此惹火回應。