2016 書展 開幕 10大必掃攤位率先睇

如果家長諗住帶埋小朋友一齊入場掃貨，建議可以由港灣道入口左側嘅「兒童天地特別通道」買飛入場，每位小童可以喺兩名家長陪同下持票入場，再直達3樓嘅兒童天地，咁就可以慳番唔少時間喇！

1. 迪士尼童話書世界！全場8折

小編係被呢個攤位啲迪士尼兒童故事書吸引過嚟o架！呢度有唔同嘅迪士尼圖書，包括《Frozen》、《冰河世紀》及《優獸大都會》等，就連新上畫的《海底奇兵2》都有啊！本身啲圖書都唔算貴，不過嚟得書展，梗係要打返個折啦！呢度全場正價8折，買滿$1000仲有7折啊！

書展攤位：3D-C22

2. 面試必玩 玩具教材

想同小朋友一邊喺屋企玩，又可以學到嘢？呢度嘅教具就啱晒你啦！攤檔內有20款適合不同程度小朋友的教具，全部85折發售，部分教具更能夠幫助升小面試！

書展攤位：3B-B25

3. 英國小學、國際小學練習 名校生必搶

書展入面有唔少補充練習，呢個攤位啲練習係英國小學同國際學校學生嘅教材，而且價錢唔貴，$100就有3本，非常抵買！

書展攤位：3C-D10

4. 新加坡補充練習3本75折

補充練習向來係家長必掃嘅三甲貨品，不過香港有咁多出版社出補充練習，點解要買新加坡嘅練習呢？根據攤位負責人所講，新加坡英文水平高，小學習作嘅程度都會比香港深一年，而且英文文法水平捉得更緊，所以好多名校生，尤其係男拔女拔生，都鍾意買嚟做。不過都唔係科科都係偏深嘅，好似數學咁，程度就反而會淺過香港喇，所以家長買嘅時候就要留意喇！

除咗補充練習之外，仲有小小科學家系列，講解同科學有關的故事，而且仲中英對照，是新加坡最暢銷的科學漫畫！書展價$480/10本

書展攤位：3B-B11

5. 新加坡教材 幼稚園到小六都有

除咗頭先嗰間，呢度都有賣新加坡補充練習，由幼稚園到小六都有。一本八折，三本仲有七折！

書展攤位：3D-C32

6. 最多家長掃 大量補充練習攤位

最多家長掃練習嘅，莫過於呢個攤位啦！全部73折，就咁睇就唔覺得特別平，不過呢度算係補充練習大集匯，所以好多家長都一棟棟咁買，都咪話唔誇張啊！

書展攤位：3E-A02

7. 兒童版國家地理雜誌

原來國家地理雜誌都有兒童版o架！3-7歲的幼兒版$259就可以訂閱一年，仲有其他禮品送啊！

書展攤位：3C-E34

8. 積木玩具 鬥智鬥力

攤位內的玩具由0至4歲都玩得，可以訓練小朋友的探索、專注力、想像力同樂理等！全部玩具都由木製造，天然無毒！

書展攤位：3B-D37

9. 超輕書包 僅0.8kg

香港學生個書包成日都咁多書，好多家長都想買一個輕啲嘅書包俾小朋友！呢個攤位賣的書包除咗輕至0.8kg之外，仲有防水同反光帶功能，當然唔少得嘅就係護脊啦！

書展攤位：3B-A16

10. 數學創意玩具

日本創意積木ArTec可以由小朋友發揮創意，砌成自己喜愛的公仔，其中一款仲可以一邊玩一邊學習數學！

書展攤位：3C-E34

香港書展2016

日期：2016年7月20日至7月26日
時間：7月20-21日（星期三、四）、7月24-25日（星期日、一）：10am-10pm
7月22-23日（星期五至六）：10am-11pm、7月26日（星期二）：9am-5pm
地點：香港會議展覽中心
門票：成人$25、小童$10、超級書迷證$80（可於書展期間無限次入場參觀，更可以使用特別通道進入會場，節省輪候時間。）、上午進場票$10（中午12時前進場適用，不設離場時限，可逗留至閉館，門票只限即場發售，成人及小童同價）、殘疾人士及訪港 人士$10、3歲或以下小童及65歲或以上長者免費進場。

註：凡以正價(成人$25、小童$10)購買7月15或16日香港書展門票人士，憑完整票尾可於7月17、18或19日(星期五、六、日) 晚上7時後免費進場一次。
查 詢：1830 670
註：展覽會於每日關閉前45分鐘停止售票及進場
網 址：hkbookfair.hktdc.com

撰文：Fiona Fong
相片：Fiona Fong

延伸閱讀

樹屋開放日 唔使預約 Walk in有得玩

直撃 荔園 2016必玩熱點