最佳男配角 曹永廉 戲內乸型公公 戲外好老公

撰文：Kathy
圖片：新傳媒資料室、姜依蘭微博

原本任職售貨員的廉記，在94年的歌唱比賽中被發掘加入樂壇，更甘願在出道前無收入地秘密苦練歌藝兩年才正式加入娛樂圈，出過《唯一的女神》、《情深款款》等5隻唱片。當年他出道時已經29歲，雖然起步比人遲，但他仍然不放棄，在95年加入TVB參演電視劇集，第1部作品《 親恩情未了》已做男配角（同劇有魏駿傑、鄭秀文），之後就到《廉政行動1998》。

曹永廉 在《妙手仁心II》飾演的向眾仁得到觀眾一致認同及讚賞，可惜並未能令他有更多演出機會，他在訪問曾表示；「心有不甘又可以點？」。直到05年的《妙心III》出現，令他再受注目，終於等到不少「搵真銀」的機會。

0蚊娶老婆？

事業上開始起飛，愛情上亦找到另一半。在2007年， 廉記迎娶拍拖5年多的女友，姜大偉長女姜依蘭。雖然當年外父曾豪氣講過：「禮金可以唔收，但酒一定要擺。」被指0蚊娶老婆，不過曹永廉一於少理，一直同老婆sweet 到而家！

John哥對女婿讚不絕口

《公公出宮》中，廉記同外父姜大衛有對手戲，同現實一樣，都是扮演女婿的角色。John哥更對女婿大讚話：他的角色不容易演，但他演得到！至於拍戲時，廉記又會怎稱呼姜大衛？John哥笑說以前會跟他說在錄影廠，要叫John哥，不要叫外父！但廉記就笑說現在叫甚麼都沒所謂啦！廉記的一對仔女都很喜歡公公，差不多天天也上公公家。一家人相處得樂也融融。

七年不癢

在結婚7周年時，老婆在微博上載咗同廉記嘅甜蜜合照，仲配上紅酒和蠟燭，十分浪漫！佢留言話：「七年之癢？希望是七年不癢。願以後很多很多個七年都快樂」愛妻嘅 曹永廉 見到當然立即以3個愛心去回應老婆，好Sweet呀！

教仔大法－－身教

廉記和姜依蘭育有一子一女，分別是8歲囝囝保熙和5歲囡囡曦文。雖然他拍戲的時間不定，但他都會爭取時間跟子女相處。即使家中有兩個外傭，但廉記都堅持自己煮飯做家務！他在訪問中表示「我不用拍戲的話都會留在家裏，親自去買餸煮飯。」廉記自言小時有四兄弟，都會在家裏輪流做家務，到現在除了煮飯，抺地洗碗他都會一手包辦，「阿仔見到我做，佢都會肯落手去做。」所以當他要求囝囝摺衫、執玩具時，囝囝都永無詐型，身教如此成功，果然是好爸爸！

見多佢哋幾年

曹永廉會積極爭取時間跟仔女相處，不會隨便假手工人。「不論早瞓夜瞓，我都會早啲起身，可以同個仔一齊去跑步。」雖然廉記外表一臉孩子氣，但原來他已經51歲啦！自從有小朋友之後，他比以前更著緊自己的身體，「一對仔女廿歲，我已經七十啦，我都想睇多佢哋幾年。」

兩兄妹相親相愛

囝囝保熙和囡囡曦文兩小兄妹感情非常好，原來兩公婆在培養他們兄妹間的手足情都有秘技！「妹妹出世時，我哋買咗部巴斯光年的相機，話係妹妹送給哥哥的禮物。又話佢知爸爸媽媽哥哥都會用好多時間陪妹妹。」哥哥聽完之後，感覺自己像個大人，就和爸爸媽媽一樣疼愛妹妹啦！「試過有日放學臨時要去學畫畫，哥哥第一反應竟然問『咁咪好多個鐘頭見唔到妹妺囉？』」作為父母，見兩小兄弟相親相愛，自然心甜啦！