內地鮑師傅出月餅鬥搶生意 港人大讚呢款新口味最正 3大原因要北上掃貨！

去鮑師傅推出多款月餅口味搶香港客

有網民在Facebook群組「深圳大灣區國內吃喝玩樂開心分享區」分享去到深圳便去鮑師傅買手信，又表示：「今日買幾個中秋月餅試試先」。原來臨近中秋節鮑師傅推出多款月餅，因此帖文引起大批網民留言，當中不少人列出內地月餅的優勝之處，紛紛表示要去深圳買月餅。

1.月餅價格相當便宜，居然10蚊有找！

平時在香港，一盒6件裝的月餅閒閒地二百到三百元港幣不等，而圖片中鮑師傅推出的月餅最平居然5元人民幣（5.44港元）就有交易，價錢幾乎不會超過10元人民幣（10.88港元），因此有港人認為：「想買月餅食，香港太貴。」、「月餅成本好低，只係香港商人要賺到盡！」、「香港類似要價50元，不捨得買、所謂香港月餅，九成都係大陸製，咁不如大陸買。」、「十幾年前端午節食糭都係幾元都十幾元，現在買親都過百，係都要趁節日賺你一舊錢」。

2.種類多 口味創新

經常北上的香港人不時會讚內地人勇於在食品上創新，不時為大家帶來驚喜，而圖片中除了見到有平常食開的蓮蓉蛋黃月餅，還有蜜酥五仁月餅、蛋黃肉鬆月餅及芝士鳳梨月餅等等在香港較為少見的口味，令不少人高呼：「香港嘅月餅大鑊啦！」、「原來有好多隻味」。

3.好食過香港月餅

雖然甚少看到這種配搭的口味，但是不少網民就大讚好好食：「好食過香港月餅」、「肉鬆蛋黃好食，一定要試下，幾香蛋黃味」、「蛋黃肉鬆月餅，好好食，鹹鹹甜甜咁，好食過小貝！」、「好味，唔會太甜」、「蛋黃肉鬆月餅真係好好食」、「已經買咗半打！」。

網民反擊：都係喺香港買好啲

不過亦有網民就表示：「好多係人造蛋黃」、「香港暫時做月餅係最靚，你哋見到價錢就話國內月餅好食，看顏色和蛋黃就知好唔好」、「雖然大家都都係中國製造，不過香港月餅有品質監控，點都好啲！」