港女不滿公司送雙黃白蓮蓉月餅 要求改送「XX月餅」HR神回應同事拍爛手掌

港女嫌棄蓮蓉月餅太肥 質疑人事部無買五仁月餅

有網民於討論區發文，串爆一位港女同事竟不滿公司人事部過中秋買月餅的安排，「我個港女同事今朝見到茶水間有月餅，佢大呻『點解會買雙黃白蓮蓉同奶黃月餅㗎，唔知呢啲月餅好肥㗎咩？應該要為左同事既健康著想買五仁月餅先啱㗎嘛！』」

說罷，港女見現場沒有得到任何同事的回應，逕自走去問人事部。

HR神回應獲讚

人事部對港女的突兀要求也坦然回應，五仁月餅不太受歡迎，「你想食的話可以自己拎返公司與同事分享」，女同事回應：

「月餅是公司福利嚟㗎嘛，點可以我自己畀完錢買仲要分享畀其他人食？五仁月餅我都係食一啖應下中秋㗎咋，我唔會食晒成個囉！」

事主不恥極品港女同事雙重標準

發帖的事主怒斥港女「嫌肥就唔好食」，反問難道為了港女要食4分之1的五仁月餅，浪費資源遷就極少數人，寧願花錢買燈籠應節；又揶揄港女平日經常消滅一整包薯片，卻又不見得她嫌肥膩，雙重標準。

帖文惹起網民紛紛提議冰皮月餅、雪糕月餅作為代替品，事主則盞鬼地一唱一和譏諷港女：「估死佢會答女仔唔好食咁多凍嘢」、「冰皮我驚佢要灘返凍先食」、「佢諗住果仁健康啲，練仙就最健康」。

網民：老奉心態不要得

另一面廂有網民直斥，「港女真係全世界最麻煩嘅女性嚟㗎」；另外有網民從公司角度駁斥港女，「其實只係公司一個小心意，並非必有福利，你同事就老奉咁，心態唔要得」、「好簡單，如果我係人事部，只需反問一句，『你張員工合約邊句有寫月餅係員工福利？』」

其他人則表示，「HR都算好脾氣喎」、「有得食都嫌3嫌4，唔要慳番」、「唔送咪仲健康」、「有月餅都好，我公司毛都無條」、「公司有得送月餅已經好好，知足吧！」

原文：