未來姑仔逼哥哥簽婚前協議 待嫁港女：我自己資產多過晒佢哋全家
撰文：Siusiu｜圖片來源：Shutterstock、Facebook專頁「我的極品四大長老」截圖 ｜文章內容獲Facebook專頁「我的極品四大長老」授權轉載
未來姑仔意見多多 成哥哥「結婚欄路虎」
日前有網友（下稱A小姐）在網上留言，指自己未婚夫有一個同母異父的妹妹，從小一起長大，感情不俗，因此一直不太喜歡哥哥有伴侶，生怕未來大嫂會搶走哥哥。在跟未來姑仔第一次見面時，她已經「畀面色我睇、黑口黑面」，在得知哥哥要結婚後，更要求哥哥要與A小姐要簽訂婚前協議：「我未婚夫返嚟同我講，我都費事同佢哋嘈，一於坐定定同佢哋傾清楚大家各自有幾多資產，婚前協議又想點樣傾，其實我自己嘅資產多過佢地成家人。」
A小姐指，結婚後本來就沒打算離婚，加上自己本來並不是個計較金錢的人，所以對這件事感到非常不滿。於是A小姐把自己的個人資產一一列出，放在未來姑仔面前，她從此就再沒有提及過「婚前協議」這四個字。
當自己是外人 大嫂完美反擊未來姑仔
在婚前協議一事落幕後，A小姐已經跟未婚夫排期註冊結婚，可算是未來姑仔的準大嫂了，不過未來姑仔完全不把她放在眼內，更多次說出她是「外人」，令A小姐十分氣結：「佢生咗BB，咁我未婚夫就諗住揸車同我一齊去探望佢啦，我未婚夫都未同佢講話我會一齊嚟，佢已經開到聲同佢阿哥講話唔想見到我，話生小朋友係一件好個人嘅事，唔想見到啲外人喎，然後仲要質疑我哋兩個嘅關係。」儘管如此，A小姐還是做足禮數，買了一堆禮物送給未來姑仔和初生嬰兒。
A小姐指，跟未婚夫將會結婚，並會將簽紙儀式和婚宴分開舉行，未來姑仔已經一早表明指自己不會出席簽紙儀式，但就想出席婚宴。不過因限聚令的問題，A小姐到現在尚未計劃會邀請誰人出席婚宴，於是她藉此機會，完美反擊未來姑仔：「我結婚係我好個人嘅事，唔係好想見到啲外人嚟我個婚禮。」這回合大嫂完勝。
網民：姑仔真係好麻煩！
除了婆媳關係外，相信姑嫂關係亦是世界上最難纏的關係之一。很多網民都留言斥責A小姐的未來姑仔，指她「心地唔好」：「結完有排鬥，有咗分分鐘叫個阿哥驗DNA，睇個肚係咪你老公」、「你哋結完婚，佢就真真正正係外人喇」、「姑仔好明顯以為你嫁入來找著數，深存介蒂，點知你仲有錢和有能力」。
亦有心水清的網民留言，指未婚夫的責任很大，不應該放任妹妹欺負自己的另一半：「我覺得你老公都有問題，佢唔出聲制止，仲要你攤開黎講，係咪你老公自己都想知道而默默approve呢？」、「其實你老公都有問題啦，又會聽個妹點簽婚前協議，然後發現個老婆啲錢多過自己時，就攞尾彩鬧個妹多事實」。
