李璨琛太太還原「7歲李元元搞喊2歲妹」真相後 驚動《東張》急約媽媽做訪問
7歲Lucy被質疑乖巧本性
近日，媽媽Sophia在Instagram上分享了一張兩姊妹日常照，引起網民爭議。畫面中看到Lucy與妹妹李斐斐（Sucy）均站在客廳，家姐Lucy一臉無奈地站在後面，而妹妹Sucy則在前方嚎啕大哭，樣子甚為可憐。
小一李元元校服裙被指有1大問題 媽媽特登？網民：其實佢較適合國際學校
媽媽發文詢問：「誰來定錯對😂😂😂」，即引來大批網民留言，部分人揚言支持家姐，「無論如何，我撐家姐」、「家姐個樣好委屈啊」、「家姐個樣好委屈 我覺得一定唔關家姐事阿妹做戲太叻啦」； 不過，不少網民認為這次是Lucy的錯，紛紛表示「嘩，妹妹好可憐呀」、「妹妹好慘呀！」、「家姐已經認左先」、「都好難得呀妹呢個奀皮妹會真哭，咁應該今次好大機會lulu」， 甚至有人質疑Lucy的本性，留言「Lucy is bad」；
其他留言包括「可能無對錯呢~~媽媽」、「一定不是喊得最大聲果位😂（根據史書記）」、「睇到畫面就估下家姐Lulu 俾人罰企，做阿妹Susu 戥佢唔開心大喊一場」、「呢啲咁嘅相，好容易令人產生誤會㗎！以為妹妹比家姐恰！發生咩事呀？」。
小一派位｜李元元獲派第一志願被指走後門+叩門著名女校 母15字回應
李璨琛太太還原事件真相：唔使靠東張西望
事隔一天，Lucy媽梁志瑩再發帖透露真相，揚言「唔使靠東張西望都可以還原事件真相」，並解釋妹妹Sucy嚎哭原因，原來當時就讀小一的家姐Lucy在客廳飯桌上做勞作，期間不斷受到妹妹Sucy的騷擾，之後Sucy又找到媽媽的支票簿，「仲想撕爛佢」，結果家姐Lucy忍無可忍「代老母上身幫手話鬼佢」，又邊用手指篤Sucy膊頭邊罵她， 妹妹開始大喊。
Sophia更指Lucy「仲使出絕招一揚（陽）指想擊退魚鱗褲怪客（即細妹Sucy）」，多次一邊用手指篤Sucy膊頭一邊罵她，「你呀唔可以亂咁搞嘢」、「唔好再搞啦知唔知道」，鏡頭後的媽媽也出聲說：「唔好再搞啦妹妺呀」，並配上描述「家姐嘅一揚（陽）指差點就篤爆阿妹個膊頭」。 不過，她無奈慨嘆「當然怪客（即細妹Sucy）冇咁容易被擊退啦」，期間不少網民都見到妹妹一邊大喊「媽媽」一邊觀察媽媽的反應，神情搞怪。
7歲家姐Lucy動真火鬧妹後 舉動獲激讚超有愛
雖然一向愛錫細妹的Lucy罕有動真火大罵Sucy，不過媽媽透露「只不過係幾秒後，知道妹妹對自己嘅眼淚好容易敏感，家姐趕急替妹妹抹眼淚」，可見其實Lucy還是非常愛錫妹妹，不過家姐最後仍忍不住嘆一口氣「發晦氣」，之後見到Sucy也逐漸平靜下來。最後，Lucy連續做了2個側手翻，最後再倒立，她終於臉露笑容，影片就此結束。
7歲李元元孖管弦樂團合奏琴技驚人 連天后男神都忍唔住留言激讚
網民大讚Lucy是好家姐：佢自己都係小朋友
網民紛紛讚揚Lucy作為姐姐的溫暖和耐心，認為她雖然偶爾無奈，但對妹妹充滿愛護，「lulu真是個好孩子 疼妹妹之餘也教好妹妹」、「家姐雖然係嬲，但睇得出佢好緊張破壞炳（Sucy）嘅」、「家姐好犀利呀」、「LuLu係一個好家姐，有教好SuSu，又會記得阿妹有乜嘢需要」、「家姐仔對妹妹真係好好，佢自己都係小朋友，一般都冇耐性，但LuLu雖然忟憎，但唔會發脾氣，仲會幫妹妹擦眼淚，真係好乖」、「家姐雖然係嬲，但睇得出佢好緊張Sucy嘅」。
不過，有人希望家人體諒Sucy，「妹妹呢個年紀，正值對世界充滿好奇 同埋對新事物特別感興趣嘅，對世界好似百寶袋咁咩都想掀開睇下，唔係曳啊！希望李老母同Lu家姐可以體諒佢，唔好夾埋一齊鬧佢，咁會令佢好迷失架!」
Lucy在事件中的「側手翻」動作成為網民熱議焦點，被認為是化解情緒的搞笑方式，增添娛樂性。例如：「打返個側手翻先，等啲血沖返上腦，所有激氣全消，即刻開心返晒 Yeah」、「最後嘅側手翻及倒立，真係好有娛樂性」、「無啦啦整個側手翻都幾頂癮」、「打個側手翻, 心情就靚返」。
李元元開學一個月擁新身分 獲師姐鼓勵「讀書加油」媽媽7字揭飯盒質素
事件驚動《東張西望》詢問約Sucy做訪問
除了網民關注之外，Lucy和Sucy是次事件更驚動TVB《東張西望》， 主持俞可程留言詢問可否約Sucy做訪問，「我地（哋）東張西望（可）唔可以靜（淨）係聽一方說法，方便約Susu做個訪問嗎？」， 不過暫時未見李太Sophia任何回覆。
