東張西望何伯｜高調宣佈身家分配 二人相識15日閃婚 邂逅經過曝光

東張西望何伯｜報紙檔負責人大爆料 相識15日即決定結婚

今晚的《東張西望》搵來二人相識的街市中擺檔多年的報紙檔夫婦，大爆何伯何太的相識經過！有指何太當時租了15天的臨時檔，主要擺賣花膠、海味等，更積極對街市內的人坦言自己「離婚5年」、「有個18歲仔」、「想搵單身男人」。

雖然何太擺檔僅15日，但卻憑著足料愛心靚湯、花旗參水、果皮水及剝好的橙等4大法寶成功迷到何伯的心，相識短短15日已情定終生。有網民就笑稱何伯「15日就沉晒船」、「年紀咁大都唔知醜」。

東張西望何伯｜二人甜蜜邂逅經過

當主持人向何伯表示很多網民認為他「戀愛腦」時，何伯第一個反應是網民「話我老」，而當主持人解釋背後意思後，何伯就拒絕承認自己戀愛腦，更大爆當初新何太埋佢身時，主要問他「有無同我差唔多年紀嘅男人介紹」、「做契女又得，老婆又得」，當時何伯就決定肥水不流別人田，高調宣布「留返自己用，做老婆」，因而順理成章地與何太結為夫妻。

東張西望何伯｜何伯守寡9年終遇真愛 宣佈身家分配

被問道很多人唔睇好他們的關係，認為何伯被新何太欺騙時，何伯挺身而出反問主持：「呢題我嚟答得唔得先！」隨後就坦言自己在前妻離世的9年間，「無掂過女人」，而現時結識到新何太，「感情到、緣份到」，能夠被對方「照顧埋下半生好開心」，更反駁網民指何太「心急」的言論，直言「佢急先啱我心水」、「我唔敢主動追求，佢主動就好」，更揚言自己的身家「留俾仔女無用」、「留俾佢（何太）就好」。