62歲獨居老伯哭訴拎綜援仍捱餓 被子女離棄求幫忙 網民了解後：不知廉恥！

62歲獨居伯伯求助《東張》　自稱體弱多病、無錢食飯，被兒女離棄！

《東張西望》近年來接到不少弱勢社群的求助，而近日節目播出一宗有關獨居長者生活困難的訪問，聽似相當可憐。居住在沙田駿洋邨的62歲葉伯伯希望節目伸出援手代尋找慈善機構，解決肚餓問題，又借節目盼獲家人原諒。於訪問中他提到自己雙腳行動不便，左手癱瘓，甚至連自己煮食的能力都失去。而他每個月靠著綜援金的五千多元維持生活，扣除常開支，更要支付藥費，指根本沒有多餘錢買食物充飢，11年來都受盡肚餓之苦。「每月1號出糧，15號就開始無錢，一到夏天就900幾蚊電費，我有心臟病，又氣喘，一焗就會暈」，再指「而家一日食一個麵包，一日食粒糖，或者飲水，太肚餓就落樓下摷垃圾食」。而由於長期營養不良，身體問題更甚，向社福機構求助都幫不到忙。

被兒女離棄皆因生意失敗　被追債終離婚收場

一個人住，身邊兒女都離他而去，事關他曾因生意失敗而決定借錢「東山再起」，惟事與願違，追債的人不停上門，於是當年決定同太太離婚。至此之後，家人電話號碼全停，「搵唔到人」，葉伯伯更哭訴希望得到家人的原諒，很渴望能一家團聚，泣不成聲地表示「希望我啲仔女體諒吓爸爸，呢十幾年真係捱得好辛苦，捱咗好多苦頭。其實我有試過自殺，但係我諗起佢哋，我亦答應過佢哋我唔會，希望你哋會原諒我」。

網民：一睇就知係扮可憐，無嘢食仲肥肥白白？

葉伯伯泣不成聲上節目求助，惟一眾網民表示不值可憐！更質疑其不夠錢的說法，指「佢應該攞緊殘疾綜援金$5,410，每個月當就當你900電費（冬天唔駛開）都仲有$4,500，你話半個月已經冇哂錢？即係你一日用三百蚊食飯？三百蚊買外賣都冇肉冇菜？搵鬼信咩，你食三餐都食得幾富貴，完全冇話就住用」、「這男士給東張西望嘅資料似乎有問題，為何他只攞2021年嘅綜援單據上鏡呢？再者，單據顯示他2021年每月收取6千多元，其中1千多元直接交租給房署，男事主仍有5千元使用，為何每個月到15號左右就無錢呢？難道他每日用3百多元買食物？據知領取綜援人士在政府醫院覆診及攞藥都是豁免費用的」、「政府幫交租，免費睇政府醫生，有醫療券，電費補貼，每月$54xx，電費$9xx，仲有$4xxx，點會冇錢洗呀？仲話只食糖、幾日都係飲水度過？其實想打尖送飯服務，想人同情」。