林作挑戰陳凱琳弟與父！出100萬要求做DNA證親生 稱陳家肯驗但提出1大要求？

林作賭100萬做DNA證父子關係 陳家竟回覆提出1大要求

直到今日下午2時，林作於社交平台宣布陳家已回覆他，又呼籲大家讚好、追蹤，他才會公開對話：「我今早獲得陳家私下回覆。距離探究究竟是隔代遺傳還是隔壁遺傳，又近了一步。如果post出黎（嚟）大家唔收貨，我切。包震撼。快，share等更多人知道。」

其後，他指社交平台帖文讚好人數達到目標數字，終在下午5時公開陳家回應，原來疑似陳凱琳大家姐Joyce親自回覆他：「林作先生，100萬會唔會少咗啲？」

他在社交平台隔空回應Joyce，又再呼籲大家讚好、追蹤，打動他們母子將賭注打碼：

本人兌現承諾，公開陳家私下回覆：Derek 的家姐 Joyce 昨晚回覆了，但我係今早得知的。Joyce姐忘記，其實多年前，我為了探究究竟佢地（哋）係咪親生而用我自己私人Facebook Add咗佢。佢嘅意思，係願意做test，但價格出手太低！明白嘅，始終我用緊自己錢，人地（哋）講緊家族顯赫，區區得100，你估我細佬Derek喺嗰個167 Derek咩！收到，本人馬上聯絡身在深圳嘅林母，睇下佢可否番黎（嚟）幫拖。我馬上聯絡我媽媽，大家俾（畀）少少時間我，我睇下可以點樣加碼。

事後，他指「成就解鎖」，Joyce剛剛追蹤他的Facebook帳戶，以證明自己所言非虛。

最新發展：陳凱琳用全家福反擊林作 鄭嘉穎一句護妻！林作100萬加碼至500萬求證親生

陳凱琳弟Derek血統事件懶人包！

事緣陳凱琳弟弟Derek近日在個人社交平台上載肉緊攬實爸爸的合照，相中陳父坐在他大腿上並啜手指，畫面溫馨，他用英文寫道：「你真的長大了很多，很為你感到驕傲呢！」。不過不少網民又再質疑二人是否親生父子，因為爸爸膚色較白，而Derek膚色較深，而且輪廓深像外國人，父子外貌不太似樣，頓時再次成為網友焦點。

十優港姐麥明詩前度林作於日前（20日）轉發報導，於社交平台發文，揚言願意拿出早前與鍾培生拳賽中得到的100萬，要求Derek與爸爸驗DNA證實是親生父子關係：「本人願意用100萬港幣向Derek Chan not Cheung 發出挑戰：俾（畀）你一條毛俾（畀）我。同埋你老豆（竇）一條毛。如果DNA比照證實你地（哋）係父子，我俾（畀）100萬你。如果唔係，順便比照係咪有印巴血統。順便咋，純八卦，驗到冇嘅我都俾（畀）100萬你。冇他，純碎（粹）之前嗰個Derek（鍾培生）俾（畀）咗我一百萬零用錢冇錠（碇）使。同埋真心好奇及堅信不移。Derek，你願意接受挑戰嗎？」

林作接受傳媒訪問時指自己忍受多年，表示「盲嘅都睇得出」二人不似父子，但多年都沒有人願意公開出來說，所以敢言的他決定站出來。林作在凌晨時份再發文：「唔好再喺度話我多管閒事，我淨係問你兩句：第一，佢地係咪公眾人物，係，就有公眾利益，也必須承受被人指指點點，我都係市民一個。第二，老老實實，想唔想知先？！」

延伸閱讀：陳母曾為陳凱琳跟Derek的混血外表解畫

由於早前陳母曾於電台節目揭開陳凱琳姐弟似混血兒之謎，林作補充：「不回應沒問題。低調沒問題。不承認沒問題。但係事實就係事實，不容亂講。馬拉人Malay並非此容貌。戶外活動我做好多，唔見我咁嘅樣。加拿大食物食到中國人變南亞人樣？！咁我夠喺英國食到我變鬼佬啦！確實唔關我事，但係我見到謬論就不能提出我的質疑嗎？困擾了我9年了！而這傷害得到他們家人嗎？事實就是等於傷害？大家在現實中都是活得像隻鴕鳥嗎？即使唔係親生，請問有咩問題？咁樣佢地家人關係就要變差嗎？點解領養就唔值得一樣當仔咁愛？都咁多年了，知就一早知，唔知依家可以知，有咩分別？人家係加拿大人，比起你地班守舊華人思想要開通好多倍的，懂嗎？我依家有攻擊Derek嗎？我認為佢超型啵！」

林作做法惹爭議 網民：始終係人哋家事

有網民批評林作將兩名無辜的圈外人擺上枱，而且做法揭人隱私：「等間人哋可能係領養，你硬係要揭人傷疤咁就好笑」、「始終係人哋家事，畀條後路人地行吓啦」、「佢家姐係公眾人物，佢弟弟都係咩？而且我好想同你講，今次你真係好過份，係親生唔係親生都好，人哋之前已經回應過，答案真係咁重要咩？你咁樣咁高調玩到咁大，絕對會傷害到人地嘅心靈。」但同時亦有網民支持他：「撐你！其實佢地哋可以選擇低調，但偏要高調日日話自己係百分百中國人同親生，我都睇唔過眼好耐。」

他補充：「其實絕大部份時候我只係講出其他人唔夠膽講嘅嘢。係我願意突破盲腸咋。」、「當你好似我啲朋友咁收到Push Notification嘅時候，不得不佩服林作嘅創意。搞笑、抽水，並沒有什麼過份與不過分，因為這是言論自由。而往往最好笑嘅嘢，係你覺得唔應該笑但係人嘅反應好自然不禁發笑。我嘅職責就係為大家觸碰呢啲taboo禁忌話題，讓大家開懷、釋懷。我都淨係問一句：假設佢地（哋）真係同我玩做基因鑑定，咁你會唔會睇個結果係點啊！你會選擇唔睇！？」