梁詠琪 對的時間 遇上對的人

撰文：Sunday Kiss
相片：新傳媒資料室，梁詠琪IG

上個月底喺Sofia嘅2歲生日，Gigi喺facebook同IG都有分享同囡囡慶祝嘅相，仲留言：「簡單的DIY佈置、朋友親手做的蛋糕、加上一些親朋好友，今晚一齊吃素爲Sofia慶祝兩歲生日。平安喜樂！感恩滿足！」現在有一個幸福的家庭，老公又錫自己，真係戥Gigi開心！她的愛情，絕對是先苦後甜的好例子！

相識半年閃婚

當年Gigi與鄭伊健相戀7年，最後分手收場，後來相繼認識法籍男友Sly與美籍男友Matthew，最後也無緣白頭。直至2010年底，剛分手後嘅Gigi，趁著2011年《香港G夜》演唱會後兩星期空檔到西班牙旅行。前任男友Sly介紹了一名當地女性友人做Gigi導遊，二人一起參加當地派對時，認識35歲的西班牙籍男友Sergio。二人一見面便非常投緣，拍拖半年後結婚。被問到半年結婚會否太冒險？Gigi笑說：「其實我哋結婚嘅舉動係一件好自然嘅事，大家好快做到好朋友、click到，相處好舒服，時間長短反而唔係問題。我哋都 覺得兩夫妻喺一齊，一定要係對方最好最好嘅朋友，因為有啲咩都可以同佢分享，一齊探索、好多嘢可以一齊去enjoy，所以大家好快就知道，可以講係適當嘅 時候遇到適當嘅人。」

體貼熱情老公

最初Gigi騙Sergio自己做model，但兩個星期已經穿煲了。當Sergio知道Gigi係artists後，很認真咁同佢講：「我好尊重你嘅工作，所以我唔會google你任何news或者作品，直至你俾我睇，我完全唔care你做乜嘢，我淨係鍾意你呢個人。」

大方跟老公行花市睇煙花

Sergio教曉她有權享受自己的生活。Gigi試過食食吓飯發現有人偷影，想要走時，老公很sweet咁話唔緊要，由得佢影囉！但Gigi好驚啲記者會扭曲事實，老公很有信心地說：「一定唔會，如果你 真心待人，態度寬容嘅話，人哋對眼同鏡頭會感受到，佢哋唔會寫你唔好嘅嘢。」就係呢句令Gigi對自己有信心，亦對記者有信心，結果新聞出來真的很正面，所以她不怕照樣跟老公行花市睇煙花。

求婚發高燒

拍拖半年，Sergio已密謀求婚，趁Gigi不在港期間，串通梁母讓他進屋，將傢俬雜物砌成「Merry Me」給她驚喜。Gigi說：「那晚我發高燒，很掃興，一返來就叫他送我入醫院，沒回答他。一個星期後，我安排了一間酒店房，預先在窗口用Post-it貼了一個 『Yes』字，入到房叫他求多次婚，他一說完，我就拉開窗簾，他即時抱住我喊。」

婚後定居香港

婚後Sergio為了Gigi，決定搬到香港！Gigi接受訪問時話：「我覺得佢係好偉大，因為你要一個喺歐洲做嘢時間又鬆動、lunch又兩、三個鐘、 dinner由夜晚九點食到凌晨一點，一個歎慣、enjoy慣生活嘅 人嚟香港，始終香港步伐真係好急，而且當佢同佢西班牙嘅上司、同事講佢會嚟香港同太太一齊生活，通常啲人第一個問題就問「點解唔係你太太過嚟西班牙？我俾 埋份工你太太做吖！唔使擔心喎！」

婚後幸福生活

不用開工時，Gigi則會和老公享受二人世界，外出看看電影，或留在家靜靜休息，煮飯、傾偈，很平淡，但很充實。Gigi很享受現在的生活，現在可以集中精神拍戲，不會中途要做唱片或其他工作，將自己弄得很累，吃力又不討好。婚後，Gigi笑說：「開始步入自己理想的人生軌道，最大改變是多了他去和我經 歷所有事，一同分享開心和失意，令我變得更淡定，也多了對人的信任，以前覺得自己現實和理想的人生總是偏離，直到他出現，帶我一同走向憧憬的生活，現在的 我是最快樂的。」

大方跟老公行花市睇煙花

Sergio 教曉她有權享受自己的生活。Gigi試過食食吓飯發現有人偷影，想要走時，老公很sweet咁話唔緊要，由得佢影囉！但Gigi好驚啲記者會扭曲事實，老 公很有信心地說：「一定唔會，如果你 真心待人，態度寬容嘅話，人哋對眼同鏡頭會感受到，佢哋唔會寫你唔好嘅嘢。」就係呢句令Gigi對自己有信心，亦對記者有信心，結果新聞出來真的很正面， 所以她不怕照樣跟老公行花市睇煙花。

結婚3年後懷孕

與西班牙籍老公Sergio結婚3年後，Gigi終於在2014年8月宣佈懷孕，翌年2月誕下囡囡並改名為Sofia，囡囡岀世後，Gigi經常喺IG post 佢地一家嘅幸福照。一家三口十分幸福！

邀請Elmo去生日會

早前，Gigi囡囡仲打電話邀請Elmo去佢個2歲生日會，不過最後變咗同Elmo煲電話粥！網民都話：萌爆啊！

延伸閱讀： 張頴康撐老婆唔刻薄