梁靖琪閃婚懷孕 36歲剖腹生8.6磅囝囝｜一家三口放閃曬幸福
廣告
梁靖琪（Toby）經歷了第一段婚姻失敗後，事隔7年重新出發，於去年6月與28歲年下圈外男友施雋賢（Jon）閃婚，婚後隨即宣布成功陀B，巨肚更一度成為焦點！最近成功剖腹生B，在社交網貼出囝囝初生照，大曬一家三口幸福滿瀉。
原文、圖片：東方新地｜編輯：Sunday Kiss
梁靖琪巨肚懷8.6磅囝囝 一家三口晒幸福
36歲梁靖琪（Toby）去年六月與拍拖兩年、比佢細8年嘅圈外老公施雋賢結婚，上月27日 誕下8.6磅囝囝施睿文（Roman Sze），母子平安。初為人母嘅梁靖琪（Toby）隨即喺IG分 享一家三口合照晒幸福，佢話見到老公抱住囝囝嗰一刻，迅即淚崩！
經歷16小時嘅陣痛，最後要緊急剖腹，梁靖琪（Toby）話一切都並非自己預期及控制 之內，而係由上帝安排，並感謝醫生同護士們嘅幫助，最重要當然係感謝老公全 程陪伴。Toby仲話當佢第一次見到老公抱住囝囝嗰一刻，就知道佢將會係一個 好爸爸，當時佢仲感動到爆喊兼收唔到聲㖭！
