港男機場發脾氣掉走女友行李箱 事後命令：去執啦！

港男機場發脾氣掉走女友行李箱 事後命令：去執啦！

一條影片發生於香港國際機場，只見影片一開始主角港男就隨手拎起放置在行李車上的行李，用九牛二虎之力一下掉去遠處，然後再小跑兩步去到行李附近，踢出一球世界波，將行李直接踢落樓梯間。踢完世界波再命令尤如「球童」的另一半：「去執啦！」。

最後都係去咗執？！

因為收音關係聽唔清楚港女回覆了什麼，只見影片中她嬲爆爆將手上的購物袋掉落地下宣洩主權，然後港男多次問道：「執唔執啊！」，命令無果後男方離開現場，而女方亦決定去執返個行李。在爭吵執定唔執的世紀難題時，一名外藉保安若無其事咁行過，相當Chill。

難知對與錯

事後兩人的舉動都引發網民猜想，有人認為事件沒有前因後果，所以好難憑影片去分析到底邊個啱邊個錯，有機會是港女在事前有做一些不好之事而惹怒男方，亦有可能是兩人在爭吵的過程中，港男單方面的失控。

This is art, especially the hissy walk-off at the end pic.twitter.com/kjwd79hwgV

— Justin (@hurtingbombz) December 5, 2022

斥港男「唔成熟表現」

縱使如此，唔少網民都認為就算發生咩事，港男都唔應該在公眾場合「大暴走」，「唔好話男人定女人，就算係兩個男人，咁樣都係唔成熟的表現」、「拖著個咁嘅人出街真係失禮」；仲有網民估計會唔會又係賣廣告，今次真行李箱「不過應該賣緊喼廣告，想知佢有冇爆到」。