《沒有起跑線？》成績絕對不是 成功的因素

及後再追訪今年DSE考生及陳葒校長，作為教師與學生，雙方都異口同聲拋出一個疑問，究竟「贏在起跑線」，又係唔係代表可以一直贏到去「終點線」呢？

教育心理專家呂Sir

結論1

「小朋友怕輸，源於因家長過份保護，唔想小朋友跌或者唔開心，但家長冇可能一世幫佢解決問題。所以有時要放手俾小朋友自己去試，輸同贏都要接受。要搵『輸』呢個朋友，先有機會搵到『贏』，冇得避開！」

結論2

「外國有研究指出，成功因素有3點，但重點係完全冇提及過『成績』兩字！」

成功因素

1. IQ（智商）：其實小朋友IQ中上就夠。
2. 工作投入感︰不單只睇叻唔叻，如果夠投入感，就算有困難都會諗方法解決
3. 創意︰小朋友可以諗到唔同方法去解決問題。

閱讀更多

※如欲率先接收資訊，請讚好我們的FB專頁：https://www.facebook.com/SundayKiss/，並於「已讚好/Liked」選單設定「搶先看/See First」，多謝支持。

延伸閱讀
呂慧儀 直踩2間幼稚園 3個興趣班 唔畀瞓晏覺
家長攻防戰 迫死自己同小朋友
下頁：應屆DSE學生感想

應屆DSE學生

結論3

應屆DSE女同學︰「贏在起跑線…………其實有啲家長由小開始催谷小朋友，有啲最後去到十幾歲壓力大而自殺，咁其實最後贏咗啲乜呢？」

結論4

應屆DSE同學文偉︰「其實讀咗咁多年書為乜？個心理真係好攰，因為讀書好似跑馬拉松咁。由幼稚園開始催迫，用短跑嘅速度去跑馬拉松，我見到有好多例子，其實未去到中段已經死咗。」

總結5

應屆DSE同學文偉︰「其實所謂起跑線，邊一段時間都可以定。有心的話，中學開始定都唔遲，有六年時間可以追！」

下頁：免費補習校長陳葒

免費補習校長陳葒

結論5︰

「有啲小朋友，的確係催谷過後就會行路快啲，但快兩個月識行，並唔代表會日後行路行得姿態優美；同時亦唔係個個小朋友嘅特性都適合去催谷，所以家長唔應該嘥咗佢哋喺該年齡應有的生活（童年）。」

結論6︰

「好似跑馬咁，有啲馬會『放頭』，馬開始時跑得快，但有機會持久力不足；有啲馬會『留後』，係中後段先加速起步。所以冇人保證邊位可以『贏在終點線』，亦有可能分分鐘死在跑道上！」

陸永&長腳蟹

結論7︰

陸永︰「每個家長都唔同，其實教仔冇標準可言。與其改唔到『趕』呢個大環境，何不趕得開心啲？有時停一停，就一日咁多，全日純粹分享開心時間。」

結論8︰

長腳蟹︰「現實中冇人會教到你點做家長的，要自己親身領略過先知，就算人地話你知，始終嗰個係人地個仔。如不停催谷個小朋友，對於佢哋嚟講係咪健康呢？今次體驗真係點醒我！」

撰文：Pan
編輯：Fiona Fong
相片來源：TVB截圖