深情對望十指緊扣古巨基結婚三週年放閃

Aug 21 2017

要數娛樂圈中愛情長跑嘅佼佼者，相信大家一定會諗起古巨基同佢嘅助手老婆Lorraine，兩人在2014年結束約20年的愛情長跑！適逢結婚三週年紀念，基仔日前喺社交網站大放閃光彈，同老婆深情對望仲十指緊扣！一齊嚟睇睇！

圖片來源：古巨基Facebook

結婚三週年罕有晒合照

逢結婚三週年，基仔連發三張相，仲寫下：「三周年，遇見彩虹，許了願。」，冧死人咩！

古巨基同老婆Lorraine於2014年結束長達約20年愛情長跑，並於拉斯維加斯結婚，當年成為一時熱話！原來兩人相識於唱片公司，當初Lorraine喺宣傳部工作，後來成為咗基仔嘅私人助手，日久生情之下成為咗基仔入行以嚟唯一一位女友。

基仔同Lorraine多年來一直十分低調，雖然傳媒一度傳二人結婚，但基仔一直都只係回應話Lorraine係佢嘅「得力助手」。

基仔曾經留言：「從94年我第一張唱片開始，在我工作上妳一直緊守在照顧我的崗位。然而此後，妳的未來，就讓我來好好的照顧。」結婚相特別揀喺豎立「ONE WAY」路牌前影，相信係寓意未來風雨同路，十分浪漫！

基仔喺結婚同年與老婆Lorraine喺中環開設甜品麵包店，開張當日Lorraine正式以「基嫂」身份現身，兩位面上掛住幸福笑容，羨煞旁人！

二人婚後依舊保持低調，基仔亦好少公開放閃，最多都係情人節當天出老婆個背影。今次大曬結婚相真係好罕見！

結婚兩週年當日亦只係上傳咗出拖手相，不過就靠文字放閃。基仔留言話：「結婚2週年。老婆：『已經兩年了⋯為什麼我感覺還是像剛剛結婚那時的感覺呢～』我：『因為我疼妳嘍～』⋯⋯肉麻～～～」。

關鍵詞