港人訂6吋蛋糕12人食嫌太細 大鬧店家唔識自動加大 網民一句直接秒殺

港人訂6吋蛋糕12人食嫌太細
網店曾溫提唔夠分 最後一個「無厘頭」要求嚇窒店舖

IG專頁「404_cake」常常會接受一些蛋糕網店的投稿，分享不少蛋糕店遇上「無厘頭客人」的趣事，而在近日的投稿中有一則受到相當多關注，吸引不少人留言。原來有一名港人在網上訂購一個$488的6吋蛋糕，之後更向網店索取12份餐具。

網店職員知到客人要12份餐具後，便指會提供餐具，但問了一句：「6吋夠食嗎？」因為正常的6吋蛋糕約為4至8人份量，絕對是不夠12人吃的。但當時客人十分肯定回應網店職員「夠」。

客人收到蛋糕後，便向網店職員發訊息指：「個蛋糕好細，完全切唔到12份」，疑似怪責職員「蛋糕太小」。職員看到訊息後便回應：「你唔係話夠食咩」。這位「無里頭」客人立即鬧職員：「我話整6吋你就整6吋？你唔可以整大啲？」最後更加一句「明知我12個人食」，怪責職員不貼心、沒有加大份量。

網民一句直接秒殺

不少人看到投稿都表示，客人要求12份餐具已經「無厘頭」，誰知最後更要店舖自己加大蛋糕份量：「買個6吋蛋糕仲要俾夠12份餐具都已經好好啦」、「買6吋就6吋啦整咩大啲」、「同老細講：明知份糧唔夠用！唔識出多啲架」、「係咪想你照整6吋，但成尺咁高」。

之後更有網民研究「如何12人分6吋蛋糕」：「佢唔識切啫，再唔係搾汁，一人一啖實夠分」、「點解唔用榨汁機，分100份都得」、「其實每人一啖嘅話，點都可以分到12份」、「切6份，中間打橫一刀咪分到。」。