港女送櫃畀細佬被鬧「無人叫你咁做」網上大呻再被踩多腳：做多咗
廣告
很多時候即使抱著善意，一心為著別人好，結果卻是自討苦吃。早前有位港女指自己為家人付出後反被罵指責，港女深深不忿於是在網上討論區發享經歷。但網民反而批評她「做多咗」，更指家人「鬧得港女啱」！究竟她做了什麼事？家人反指責港女又有沒有道理？
港女為家人付出、送細佬模型櫃兼幫忙砌好
該名港女日前在香港討論區以「付出完唔欣賞仲要話：冇人叫你咁做…」為題發文，指近日因為細佬的房間要翻新，眼見他的玩具模型就這樣放在房內會沾滿塵埃，於是就主動說要送他一個新的模型櫃，細佬也回應說「好」，於是港女就直接與他一同去揀櫃買櫃。之後模型櫃送到家，但已經放了2星期櫃子仍然紋風不動，港女就「衰好心幫佢整個櫃等佢返黎自己放啲嘢入去」。
細佬見狀大鬧家姐：做咩搞我啲嘢！
原以為自己為家人付出、替細佬砌好模型櫃是幫了他，但細佬放學回家後竟「鬧我點解要搞佢啲嘢」，更指責她這樣做，即是「逼佢執房」。港女見狀即回應「冇理由買完個櫃返黎又唔砌又唔執野架麻」，但細佬就繼續反駁，直斥家姐「咁樣好唔尊重佢，佢咁大個人知道幾時應該要執嘢」，反責家姐多手。
細佬指「其實唔想要個櫃」、港女憤言「我自己要返」
二人爭執未停，後來細佬突然講出其實他根本沒想過要把模型放入櫃，更直言其實不想要這個櫃，港女聽了氣問「唔想放，我問佢要唔要整個櫃俾佢，又答我好」，然後細佬就回應「又唔係我自己要求，又冇人叫你咁做，你問我好唔好我一定答好㗎，買咗返嚟再諗囉！而家你砌完個櫃，咪姐係逼我要執晒啲野入櫃」，令港女非常生氣，斥責對方「付出完唔欣賞仲要咁樣同我講野」，非常不順氣，最後表示「既然佢唔想要，我拎返去自己裝嘢都唔過份呀」。
網上圍爐失敗、網民批港女：做多咗啦，你唔係阿媽
港女把事件放上香港討論區，原以為可圍爐取暖，惜網民似乎一面倒指責她「做多咗」，直言明白細佬的想法：「你自己將心比己啦，屋企人入你間房亂搞你啲嘢你又會有咩感受？」，送櫃可以，但沒有必要幫他砌及控制他必須把模型放進櫃裡；又認為港女是個「控制狂」，要求叫人一定要接受她的付出與恩惠，指「其實好簡單，你覺得你呢啲叫對佢好，但人哋未必咁諗，又未必想要，但又不能say no，講no你又會開始教訓佢，唔好做過界啦，你唔係阿媽」，建議港女「如果想知點對對方為知好，你就要每樣都問清楚佢」。
圖片來源：《季前賽》劇照、《愛回家之開心速遞》劇照、香港討論區
