港媽無禮教仔！指住送石油氣阿叔「唔想好似佢咁辛苦要畀心機讀書」
廣告
有運輸業的網民在Facebook群組分享一則日常事件，指自己運送石油氣時巧遇一對母子，小朋友好奇問媽媽「呢啲咩嚟㗎」，可是港媽回應時相當無禮貌，令網民不禁留言「呢啲阿媽真係教壞細路」！該事主回應大方得體，網民都認為他的回應間接幫港媽教仔。
港媽無禮教仔「唔想咁辛苦就要俾心機讀書」
話說當日樓主以手推車運送超級重的石油氣罐，過程中被一位港媽及其小朋友看到，小朋友好奇問母親那些一罐罐的是什麼，港媽回應「呢啲叫石油氣。好重架」，小朋友續說「咁叔叔咪好辛苦」，港媽和應，更指「你唔想好似叔叔咁辛苦就要畀心機讀書」，暗指讀不成書的人就只能做辛苦工，絕對帶有歧視成份！
送石油氣阿叔大方回應：記得做個好人
該名港媽的回應令樓主感到尷尬，但為免與港媽對質，因此大方回應自己小時候的確沒有好好唸書，因此長大就做運輸，更自嘲「做到運都輸埋」。之後又勉勵小朋友「唔想同叔叔一樣咁辛苦。就要好好讀書。大個咗就唔會咁辛苦」，最後更寄語小朋友「記得做個好人」，算是大方回應。
網民力撐學歷與職業無關：家長真係好膚淺
不少網民都不認同該名港媽的說法，更有網民直言「呢啲阿媽真係教壞細路」，不少人都認為讀書只是出社會的一張入場券，但並不代表「讀得書多就唔辛苦」；也有網民指出「正正經經搵飯食無偷無搶，對得住天地良心有乜失禮。讀書係重要，但決定唔到一個人係乜嘢人」、「教小朋友唔好同讀書掛鈎，係同品格掛鉤，應該借呢個機會有小朋友欣賞叔叔嘅努力」，指責該名港媽思想守舊，不懂尊重人，「希望個位小朋友唔會好似阿媽咁就好喇」
圖片來源：Facebook群組@大埔人大埔谷截圖、《亡命之途》劇照資料或影片來源：Facebook群組@大埔人大埔谷
