港媽去旅行強霸育嬰室 網民圍剿：肉酸兼核突

撰文：Suki| 圖片來源：巴打絲打 Facebook Club

港媽原定由大阪關西機場搭飛機回港，不料因颱風影響導致班機取消，令她與兩名子女滯留機場。港媽於是急忙在臉書向朋友求救。有朋友提供民宿，3人入住3晚只收4000日元的清潔費。她在該帖文中亦聲稱找到1000日元一晚的民宿。最終她選擇霸佔機場的育嬰室休息。

港媽更表示：「大阪打風夜之人生第一次訓（瞓）機場（希望係最後一次，唯一一次）…我地（哋）霸左（咗）一間育嬰室，好大，有房中房，有梳發、有熱水、有微波爐、有叉電器……大人就冇得訓（瞓）得舒服，但小朋友算係OK…」

結果該帖文被轉載到其他群組，引來大量網民批評：「冇錢就咪去旅行啦，做埋啲核突野仲post出來炫耀」、「呢d人真係自私到爆！你咁樣霸住個育嬰室，咁真係需要用嘅人點呀？走去廁所餵奶呀？」、「好心自己有小朋友就做返個好榜樣啦，仲好意思出post 講到自己好叻咁！」

事件傳開後事主竟然還斥責截圖轉載的朋友，又辯稱是小朋友太累才逼不得以要睡育嬰室。但網民並不買帳：「又一個自親稱為小朋友只好喪失品德嘅家長。一開頭見佢用個『霸』字就知佢霸得幾自豪，稍有點兒羞澀，會這麼形容嗎？被鬧就話是為了孩子，只有佢才生了孩子嗎？講到咁慘情就不如租酒店啦，又或者唔好生！」

目前事主已刪除個人臉書和關閉經營的Party Room專頁。