家庭支出每月4萬老公只給家用$6000 港媽想離婚：佢當我係一部櫃員機

家用只有6000元 港媽自覺成為提款機

一名港媽日前以「我應該離婚嗎」為題，指與比自己大12年的老公結婚8年，育有2名子女。多年來，港媽每月都會負責支付子女的補習費約10,000元、工人姐姐薪金$5,000元、租金25,000元、及全家保險費一年約50,000元，而老公只會每月支付她6,000元家用。

她坦言，自己的收入一向比老公高，因此多年來即使老公只給6,000元家用，亦無傷大雅。不過因為受疫情影響，收入大減，最近更面臨失業，令她非常憂心：「如果用晒所有積蓄，我同我小朋友係咪要瞓街？我已經無能為力每個月可以攞到4至5萬出嚟，由結婚到而家所有嘅錢，我都係自己出，包括生小朋友的住院費，我真係唔知條路點樣行。」

她希望老公可以做兼職幫補家計，又指自己不介意捱，因為夫妻除了可以共富貴，亦可以共患難。可是老公拒絕成為家庭的經濟支柱，令港媽心灰意冷，更質疑老公對自己的愛：「我淨係覺得佢當我係一部提款機，我真係好大壓力，我每個月都擔心交唔到租我點算。」港媽指，已經找律師辦理離婚手續，待租約半年後完結，就會帶孩子搬回娘家，更可以省下租金：「輕鬆好多，起碼我可以搵錢畀2個小朋友學多少少嘢」。

網民：根本唔使靠老公！

不少網民都替港媽感到不值，又指老公就像是同屋主，每月只給6000元家用，就像是給予自己的生活費一樣，完全沒理會過家庭開支：「$6000都已經唔係AA了，只係佢自己嗰份家庭開支」、「你老公根本幫唔到你照顧個家同小朋友，可有可無」、「根本唔使靠老公，養件垃圾嚟做咩？」。