港孩用附屬卡碌$42,000 富貴阿媽微言「有啲太多」其後澄清更嘩然
廣告
現在的小朋友不少也有零用錢，但到底給多少零用錢才算合理？底線又在那？早前有位港媽在網上分享自己15歲女兒使用附屬卡的情況，更指女兒一個月竟然碌咗$42,000！直言「有d太多」，並質疑現時讀國際學校的年青人是否都這麼大洗費。港媽詢問網民是否合理，引來網民驚訝，更大呻「飯錢多過我份糧！」
港孩用附屬卡狂碌$42,000
事源有位港媽係Facebook群組「家長 Secrets」出post問各位家長有冇俾附屬卡仔女既習慣，她指自己有個15歲既阿囡，讀緊國際學校，自己亦有俾附屬卡佢用，點知剛剛收到7月月結單，發現阿囡碌咗$42,000，直言覺得「有d太多」，於是問阿囡有冇買嘢，但囡囡話只係同朋友一齊出去食飯，埋單都係AA制。港媽十分不解，問網友「係唔係讀國際學校既年青人都咁駛（錢）法？」，強調女兒只是就讀普通ESF（英基學校協會）學校，不是甚麼「勁嘢」。
網民驚訝：飯錢多過我份糧！
帖文一出，大批網民表示驚訝，有人點出真相，指花費與讀國際學校無關，是與樓主富貴有關，$42,000不止「有啲多」，是夠養起基層家庭全家，有人笑指「係咪打多咗個0？」，有打工仔稀虛道「一個月飯錢都多過我份糧」，更有人指自己有個仔，爆笑大叫「親家！」
除了搞笑留言，亦有人睇不過眼，指個囡的理財行為是由樓主自細教出，不關學校事，有人建議給小朋友的附屬卡應把信用額度減低。
港媽樓主上水澄清：撳多咗個0
帖文出左一日，眼見群情洶湧，樓主都上水，叫大家唔好激動，澄清返自己「唔小心撳多咗個0」，確實係$4,600先啱，但未能證實投稿者是否為同一名港媽，而有網民指如果打錯的，應該係打$4,200而不是$4,600，大家又信唔信？不過網民似乎唔多信！
資料來源：FB@家長 Secrets
圖片來源：FB@家長 Secrets截圖、TVB《青春本我》截圖資料或影片來源：FB@家長 Secrets
