港男日日返工帶飯被取笑「乸型」 因1事堅持繼續帶 網民反指：係你問題
廣告
香港地閒閒地在一間餐廳隨意吃個午餐也要付$50至60元，不少打工仔為了慳錢、吃得健康等等理由都會自行帶飯盒上班吃。日前就有一位23歲的港男於討論區上發文大呻，表示自己因為帶飯而遭受公司同事排斥，但是他是為1件事而堅持帶飯，被一眾男同事卻笑他「乸型」，令他在公司只可以與其他帶飯的女同事「傾女人經」。而事主的經歷曝光之後，有網民力撐事主應忠於自己，不過亦有網民直指事主「唔識變通」！
23歲港男中環返工 每日帶飯慘變笑柄
返工帶飯其實是一個不錯的習慣，能慳錢之餘，還有更多時間做私人事務，自由度較高。早前，一位23歲的港男就在討論區發文，指剛剛踏入職場的他每日返工都習慣帶飯，只有一開頭曾經獲男同事邀請「一齊出去食佬飯」，不過在食了一兩次後，認為「中環食個燒味飯都80、90，好X貴，完全儲唔到錢」，因而就未有再參與男同事飯局，卻沒料到事後竟被嘲是「乸型」。
僅因1事繼續堅持 被公司男同事排斥
事主對男同事的指控感到十分無奈，又揚言自己其實並非完全為了慳錢，而是為了「回本」，只因月入11,500元的他每月會俾3,000家用，「咁比得家用梗係要回本，帶飯一個月都慳番千幾蚊」。他又指因為公司的男同事對其排斥，因而只能與女同事結伴「傾女人經」，令他的職場生活極不開心。
網民反應兩極：理得佢VS自己變通下喇
事主的發文在討論區引起熱議，惟網民的留言兩極，有網民認同事主的做法，認為他應該堅持做自己，不應因為別人的閒言閒語而改變自己的日常習慣，「帶飯唔係罪，戇X先係罪」、「做自己就得啦，做多排轉工搵多啲」。亦有網民認為事主「唔識變通」，「埋下堆係應該」、「其實可以考慮一星期出去食一日」，更有人笑稱事主應該「帶飯去餐廳食」。
圖片來源：《逃避雖可恥但有用》劇照、TVB《愛回家之開心速遞》劇照、《大叔的愛》劇照
