港媽疑衝門失敗令BB獨留車廂網民反撐港媽兼鬧港鐵1大弊病事發經過曝光

Aug 16 2024

香港人分秒必爭，做任何時都非常匆忙趕時間。近日，一位母親帶著嬰兒乘坐港鐵時發生了驚險一幕，疑似是搭地鐵衝門失敗將嬰兒獨留車廂，幸得好心男幫忙照顧小朋友。事件被旁觀者拍下放上小紅書分享，該好心男更出面回應事件。不過，事發後有不少網民紛紛力撐涉事港媽，還斥責港鐵一大弊病。

港媽搭地鐵衝門失敗　疑將嬰兒獨留車廂

有旁觀者在小紅書上分享，「晚上九點東鐵綫到羅湖，此時此刻寶寶的媽媽很著急，寶寶被推進地鐵門的那一刻，門關上了，媽媽還沒有進來」，似乎是這位母親在車門關閉時推入嬰兒車，但未能及時進入，結果嬰兒車被困在車廂內，而她則留在了月台上。

熱心男伸出援手　事後憶述事件

幸好，一位熱心的男乘客及時伸出援手，暫時照顧並安撫了這位小乘客，並在接下來的站點將嬰兒連同嬰兒車一起交給了港鐵職員。事後，他看到了旁觀者的分享，亦回應事件，指媽媽當時「施施然咁諗住上車，但果時已經提示關門」，直指「其實成件事好危險，可能係東鐵最近安裝了幕門，大家都對關門嘅預判有誤差。幸今次無意外，而且件事真係好喜感。因為個BB完全唔怕人，仲要識互動。」他表示，當時母親和她的同伴都因為突如其來的情況而呆立當場，他則迅速將嬰兒車拉進車廂內，再將「活失物」交給港鐵。

網民狠批涉事媽媽：有冇搞錯？

這起事件引起了網民的廣泛關注和討論，許多人在網上讚揚這位男乘客的善行，同時批評這位母親的魯莽行為對嬰兒造成的潛在危險。

「推BB車都衝門，有冇搞錯」
「生仔要考牌…好多家長當BB車是武器，橫衝直撞」
「夾到一件事，比人拐走又一件事，嚇親細路一件事，麻煩到人職員又一件事，簡單講：冇腦！」
「可能個阿媽就係想用BB車嚟頂住度門，等D三姑六婆夠時間入去~ 點知俾人扯咗架BB車連B入去~ 任務失敗」
「如果唔係BB, 再大少少肯定嚇死」
「地鐵線3幾分鐘一班真心唔明趕啲乜」
「港鐵加強罰則」

部分網民力撐媽媽指責港鐵提示聲欠完善

不過，部分網民卻力撐涉事港媽，反認為是港鐵的責任。事件曝光後，引來很多媽媽關注，有曾推過BB車的家長紛紛有感是港鐵的提示聲制度欠完善，加上要小心行經月台和港鐵之間的間隙，故認為對方未必是想衝門：

「我試過推住bb車，諗住比人落曬先自己最尾落，點知出到一半就嘟嘟嘟閂埋門要留番喺車,好彩車上無bb,唔係bb都比佢夾死。個呀媽衝車唔啱，但港鐵有時未睇清楚就閂門都唔啱！」
「有推BB車搭地鐵的媽媽就會明白。我自己都試過唔系衝車情況推BB車入去(即未有dododo聲已經開始推車入去)，推到一半未入到哂,突然dododo聲就關門，夾住BB車。正正因為我地好小心推過個gap，所以時間會長少少，過程中dododo就關門。」
「其實港鐵的小心車門提示，好多時乘客未落哂車就嚮！我推Bb車次次係月台等車，上車非常狼狽！我每次都守規矩等乘客落左先上車！根本唔會可以係佢提示前上到車！有次Bb車係地鐵，車長關門，我被夾住！而車長冇重新開過門，只係開少少然後再關門！我根本行唔到同未有反應再被佢夾多次！而好彩當時有乘客拉我上車，但真係比佢夾到好痛，我都係怕同Bb 車分開先死拎住Bb 車！之後推Bb車搭mtr都有暗影！根本好多時都唔夠時間上車，所以我覺得呢個媽媽未必有衝閘！」