中學生突被鎖彩虹站內 發帖求救「點樣出返去？」結局曝光 附港鐵回應

中學生凌晨被困彩虹站

事主在社交平台Threads上以「1:24。睇嚟要喺度過夜」為題發佈一段6秒影片，片中見到他和朋友被困在港鐵彩虹站內，往「坪石邨」的A2出口已被鐵閘鎖上。

事主透露，當時他與友人在站內等候凌晨1點18分往觀塘的尾班車離開，殊不知坐著等候時意外錯過尾班車，結果被困站內，遂向網民求救。

有網民建議「打電話去站頭，叫MTR員工開鎖」、「等下夜更維修班人，跟佢地行都有路出返去」，期間有人在留言問事主：「點樣出返去？」，惟事主未有回應。

而事發幾天後相關帖文已被刪除，相信事主和朋友已經平安離開彩虹站。

港鐵作出回應

事件曝光後，港鐵對此回應表示，事件發生於2月11日凌晨約1點半，當時往觀塘尾班車已開出，而車站職員正在關閉車站各個出入口，期間有港鐵職員留意到有2名乘客仍在A2出入口逗留，隨後已即時安排他們離開車站。

網民一面倒質疑事主

事件經發酵後引起網民熱烈討論，有不少網民對事主表示質疑「三條9打唔通咩?」、「特登攪事？躲起來等人走晒門鎖上時便出來拍片話被困？正常人落車都走唔切啦！好有可疑」、「各站都起碼12點先鎖閘中學生會咁夜重係站內？而且落閘前都有廣播。」、「地鐵沒有職員？ 真奇怪，如果空城計，商戶有機會被破壞」、「無理由出唔到，地鐵站會有一個門口比夜班工作人員出嚟（門只可以出不能入），因為只有站長當值沒有人去開門比你」、「影相呃like啫～有維修人員通宵返工都唔搵，又唔打999」、「擺明特登，正常都睇清楚有冇人清晒客先鎖閘，而且地鐵電車全部維修都係三更半夜開始，絕對唔會冇人幫到你出去，係到呃like」、「白X仔有樣睇」、「自編自導自演，根本無被困」、「搞事」。