港鐵男爭輸位發爛渣坐在小童上 小童後續神舉動獲讚：有家教又醒目
港鐵爭位事發經過
有網民在Facebook群組「黃埔人•紅磡人•土瓜灣人」上載影片，片中一名穿黑色外套、一邊耳戴著耳環的男子懷疑因在落馬洲站上車時，被一名男童捷足先登而發爛渣， 竟然直接坐在小童身上，其行為立即引起現場乘客的關注。
其中一名疑似是媽媽的女乘客勇敢站出來質疑男子的行為，直斥「你係咪男人嚟㗎？」，此時男子囂張駁稱「我唔係啊！咁點呀！」，並用粗言穢語反罵女乘客「乜Ｘ嘢呀，豬Ｘ！」、「講Ｘ完未啫，嘈Ｘ完未啫！」。
不過女乘客並未因而退縮，指責男子「你咁大個男人蝦個細路仔！」，豈料男子仍一臉不屑地說「咁又點啊，我責Ｘ住佢咩，佢有無受傷啊！有無受傷！」
相關新聞：港鐵內地女逼長者讓座 揚言要打人 阿婆2字KO獲港人激讚：聽完勁爽
男子突大聲呼喝男童 妻叫女兒「坐埋啲」
二人一來一回地持續爭執，突然間男子轉身指著該小童大聲說「喂，你坐正啲啦，唔好坐正中間，一係你畀人坐！你畀人坐！」，嚇得男童坐立不安。
此時該男子的妻子加入「戰團」，並指示其女兒向小童方向「坐埋啲」，看似要迫走男童般。男子其後坐在關愛座上。
男童主動讓座
據悉二人一直爭執，直到下一站一名老婆婆上車，男童主動讓出座位予老婆婆，這場爭執才告一段落。不過，有聲稱目擊事件示， 該名男子當時的確「爭位坐」，但由於男童坐在兩個位中間，「我所見就應該冇坐到小朋友」。
相關新聞：港女遭無禮阿伯命令式逼讓座 事主1句K.O. 網民激讚做得好
網民力斥港爸：個女返到學校點見人呢
影片發佈後引起網民熱烈討論，不少都對該名男子的無理取鬧表示憤怒，「好肉酸，男人老狗同小朋友爭位坐。」、「呢個Ｘ樣大庭廣眾都咁樣，如果冇人睇住，佢可以更Ｘ街。」、「真係最怕遇著呢啲無賴，推佢上東張啦！俾我就報警要求驗傷，等差佬黎同佢玩。」、「為咗坐一個位，連自己的尊嚴都可以踩在腳下，仲同小朋友爭位，真係人渣中的人渣」、「以為呢啲咁唔文明嘅行為得大陸先有！男人老狗同個細佬爭位坐！理虧仲要惡人先告狀！垃圾都不如」，亦有人表示「佢老婆都唔慌好人啦，同佢個老公一齊鬧個小朋友嘅阿媽，明明佢老公坐住咗個小朋友就唔啱啦……」、「其實白衣女士唔使勞氣，唔使嘈，即報警，話小朋友受傷，有人證，車Cam，食硬個死傻佬!」
期間也有人稱讚涉事男童主動讓座予老婆婆的行為「有家教」、「好醒目」。不過，部分人也替男子女兒擔心，「個女D同學一定笑足佢成個學期，有D咁既父母…」、「個女返到學校點見人呢」。
此外，很多人覺討論該名男子否認自己是男性的言論，「呢個堅好笑，大大聲話自己唔係男人，我第一次聽人咁講」、「最正係 問佢係咪男人，佢答唔係」。
