熊黛林晒一家四口全家福曝光 老公抱孖女唔捨得放手

撰文：東方新地 ｜圖片：熊黛林IG、熊黛林微博

熊黛林晒一家四口全家福曝光 老公抱孖女唔捨得放手

熊黛林的一對孖女日前在港怡醫院出生，新手媽媽Lynn表示第一眼見到兩個囡囡時，又感動又開心，「BB女5磅左右，眼仔好大好靚女，老公開心到不得了。」出名錫老婆的郭可頌，在Lynn入產房前非常緊張，見到老婆同囡囡平安時終於鬆一口氣。但由於初生BB太嬌小，令新手郭爸爸不敢亂抱兩位前世情人，最終要靠Lynn出手，「我叫老公坐定定擺住抱B姿勢，然後叫我媽咪抱囡囡放在老公懷抱，老公後來抱到不捨得放手。」

郭爸爸有Lynn這個大情人，又新添兩位小情人，自然幸福滿瀉，Lynn更說看到大隻老公抱住嬌小B女的畫面，反差很大非常搞笑。

而剛剛生完BB的Lynn精神相當不錯，且安心的謂：「媽咪都有飛過來香港陪我待產，我已慢慢開始學習湊小朋友，並餵人奶；因為是對BB最好的嘛，最緊要她們健康。」至於BB現時仍未改名，Lynn和老公會細心為囡囡挑選最適合的名字。

熊黛林 開刀誕孖女

有指37歲嘅Lynn為了把握生育的黃金時間，去年進行人工受孕，成功懷有孖女，預產期係下月初，而佢同老公就計劃提早兩周即今個月中開刀生B！昨日更有傳她日前已在港島區一所新開的私家醫院秘密開刀誕孖女，而負責接生的醫生是有「婦產科聖手」之稱的倪淑慧醫生，她曾為Lynn的姑奶郭可盈及徐濠縈等藝人接生。

Lynn懷孕期間胃口好好，早前更唔忍口去食麻辣火鍋㖭！

經理人：好消息等Lynn自己公布！

Lynn經理人Kim，被問到Lynn係咪人工受孕懷孖胎及已誕下孖女，佢未有正面回應，只係話﹕「好消息等阿Lynn自己公佈吧！」

熊黛林讚郭可頌貼心 Lynn：我無嫁錯人！

Lynn早前Lynn就同老公郭可頌拍了一輯靚相留念，相中見Lynn笑得開心燦爛，雖然腹大便便但四肢仍然纖瘦，絕對是準靚媽咪，而穿起吊帶裙的Lynn，上圍都升級了不少。至於爸爸郭可頌亦愈來愈fit，手臂肌肉盡現，看來做型爸單手抱B都無問題。Lynn話：「一直老公都好照顧我，有了BB後老公更事事以我為先，我覺得好開心，睇得出自己真是無嫁錯人。」

作為準媽咪，熊黛林現在未覺緊張，反而非常期待BB到來，但同時又有點捨不得與BB身心相連的親密關係，「每次BB在我肚入面郁我都好興奮。」問到Lynn有否特意看書學習湊B及教小朋友技巧，Lynn表示自己只看了小量關於育兒書籍，平日反而多向有經驗的朋友請教，「我們都想順其自然，第時再一步步學習，我不想給太大壓力家人及BB。」果然是貼心溫柔的媽媽及老婆。

熊黛林 幸福準媽媽

準媽媽熊黛林(Lynn)陀B七個月時，同經理人Kim合照，晒出籮咁大嘅巨肚，Kim仲摸住熊黛林個巨肚留言：「漂亮準媽媽」對比之前大肚近五個月時嘅瑜伽照，Lynn個肚脹真係大咗唔少，上圍亦極速升cup！但Lynn手腳依然纖幼，面容亦未有特別發福，真係肥肚不肥身，令不少孕媽羨慕！相信係因為Lynn好勤力，大住肚都keep住做瑜伽！