王浩信 : 情人節 係氹老婆嘅好機會
廣告
王浩信 （Vincent）和陳自瑤（YoYo）兩人最初拍拖時不被看好，直到現在他們已經經歷無數風雨，可以話係打風都打唔甩。Vincent同Yoyo拍拖3年結婚6年，呢9年一齊生活嘅時間，究竟呢對極恩愛夫妻有啲咩秘訣一直keep住咁sweet呢？今年 情人節 佢哋又會點慶祝呢？即刻睇吓Vincent點講啦！
撰文：Sunday Kiss
圖片：新傳媒資料庫、微博
王浩信：把握情人節 做情侶會做嘅嘢
Vincent接受訪問時話因為兩人工 作繁重，見面時間唔多，長期處於「小別勝新婚」狀態，所以一見到面就會好掛住老婆，每當情人節、生日、週年紀念日等大時大節，更會把握機會同Yoyo做返啲情侶會做 嘅事，所以結婚6年佢哋都仍然好似熱戀中咁sweet。由於Vincent放咗好多時間喺工作上面，所以唔使返工時，佢格外珍惜同老 婆囡囡相處嘅時間，只要唔使拍劇就會留喺屋企陪佢哋，不時又會為老婆送上小驚喜。
在家共渡情人節
講 到今年情人節同老婆點樣慶祝，Vincent就話會留喺屋企簡簡單單食餐飯就已經好足夠，笑言情人節呢啲大日子出街食飯好難book枱，留返個機會俾其他 更有需要嘅人。早前Vincent喺微博大讚Yoyo廚藝了得，又話大部分時間都係Yoyo下廚，唔知今日呢個咁特別嘅日子，會唔會掉返轉由Vincent 負責情人節大餐呢？
大小情人 互相呷醋
當提到快將5歲的小情人囡囡王靖喬（QQ），Vincent顯得特別興奮，女兒果然是爸爸的前世情人。事實上，Vincent極度寵愛他的「小情人」QQ，指以往 有時因此忽略「大情人」Yoyo，以前老婆會有少少呷醋，覺得自己被分一杯羹，當然一切都係只出於愛，好快就已經雨過天晴；同樣地，有時Vincent可 能想錫老婆時，囡囡亦都會呷醋，更試過同佢講錫媽咪之前要鍚佢先。
拍拖3年 修成正果
王浩信 （Vincent）和陳自瑤（YoYo）2008年時於拍攝廣告時認識，兩人一拍即合，但由於Yoyo比Vincent大兩歲，所以當時外界不看好佢哋呢pair姊弟戀。然而拍拖3年後，Vincent於舞台劇完場後向Yoyo求婚，更特地挑選11年11月11日11時11分完婚，所有謠言不攻自破。到今時今日都甜到漏，真係好羨慕啊!
