瑜伽褲媽激讚「香港教育零壓力」列7點力撐：學童好輕鬆 網民嬲爆反擊

瑜伽褲港媽稱香港教育零壓力　小朋友讀不成書都無問題

早前因海景公屋爆紅的瑜伽褲媽最近又有新言論，新影片再度被熱議，事關今次她提及到香港教育問題。面對住近月來香港不斷有學童因壓力過大而輕生的新聞，這位自稱在港生活的新移民媽似乎未有所聞，反指香港教育不會對孩子有太多的施壓，也不會打孩子。香港反而是走引導路線，用開放式教育，不會讓孩子只一味做卷，一定要他完成甚麼，不一定要他考幾多分，有幾張證書，沒有太大的要求。

她續指，香港教育夠開放，讀書不好可以發掘孩子的其他優點，到好好培育作，例如體育、樂器方面等。

網民：著到咁講咩教育？

不少網民看到影片後，第一反應是把重點放在瑜伽褲媽的衣著上，指「做人呀媽仲著到咁去同個男人近距離面對面？」、「著到咁學咩人講教育」、「為咗上鏡出位，呢位呀媽賣身咁做訪問喎」、「上又露，下身又貼，呢個呀媽學人講教仔，好想知佢教咗個咩仔出嚟」。不過事後也有留言反駁，指「就是運動裝，有甚麼問題」。

港人：將啲嘢調轉晒嚟講！

另外，也有不少人聽到她所分享的「香港教育論」後，紛紛表示大不滿，指「香港學童讀書壓力係全球數一數二，根本無時間休息同玩，呢排有幾多學生因為讀書壓力而了結生命？咁都仲講得出香港教育好開放？」、「吹奏到咁又想引大陸D人帶仔女落嚟讀書，為咗錢你乜鬼話都講得出」、「講還講，要根據事實講，香港唔係分數等於一切？你係咪發緊夢呀」、「你生活喺平行時空？香港咩都講分數、講課外活動、講條件，讀書少一樣嘢都唔夠人爭」、「香港學生讀書、補習、課外活動乜都多過人，你唔好調轉晒啲嘢嚟講啦」、「新移民講咩都唔使負責任，離晒譜，香港教育開放？你就開放啦著到咁博出位」、「講得出真係好厚面皮」。