生小朋友｜港夫講明憎小孩有避孕 老婆竟意外懷孕 揭對方反口設局一招偷精造人崩潰離婚

人夫不想生小朋友全因兩大理由

一名人夫近日於Facebook專頁「生仔要考牌系列」撰文，公開被相愛七年的枕邊人欺騙一事。這名人夫與老婆同樣是28歲，他們讀同一間中學，畢業後在一起。他形容老婆與自己的收入有一段距離：「老婆喺中學時期都幾mk，好唔認真讀書，中學畢業之後做過文員同商場接待，人工大約萬頭；相反我比較鍾意讀書，大學之後喺醫院返工，人工大約五、六萬左右，至於點解要講及人工，係因為關生育問題事，並非我睇佢唔起。」

而且他強調自己從小到大都好討厭小朋友，當中學有活動日，可以選擇去幼稚園做義工或者去搬運公司做工作體驗，全班只會得他一個主動選擇去做搬運：「我覺得要花心機、時間同耐性湊小朋友好辛苦，雖然而家有時候返工都會接觸到小朋友，但都唔係會見好耐，同埋我都會盡我責任照顧佢哋。」

本來已經對小朋友沒有好感，再加上眼見對方人工不高，考慮到經濟問題，所以他未有打算生小朋友。他指老婆跟他拍拖之前已經知道他不生小朋友的原因，曾經問過對方意見，她都很認同：「係呀，養狗仲好啦！」

老婆突然意外懷孕 人夫信以為真

人夫表示老婆對乳膠敏感，所以他們發生性關係都係靠她吃藥避孕，而他都有定期陪她去看醫生，每日提她吃藥。直到上年年頭，對方突然說：「醫生叫我可以唔使再去，因為每次都係畀同款藥，而且又無咩副作用。」因為他們從來沒有計劃要小朋友，所以他相信了，沒有再跟她一起見醫生。為免她吃藥太辛苦，他自己都計劃今年年中去做絕育手術。

直到上年11月中，老婆月經沒有如時來臨，驗孕後發現已經懷孕。雖然他極度不想生小朋友，但既然是天意，加上始終是一條生命，所以決定生下來：「咁都無話100%成功避孕嘅，我咪以為係嗰0.00000001。老婆話唔想落，唔想殺咗一條人命，我明白嘅。我收拾心情，幾唔想都要扮演一個好爸爸嘅角色。」

人夫揭老婆設局偷精造人 對方反駁想要完整家庭

事情發展到上星期，人夫用電腦見到老婆正在使用WhatsApp Web，無意中見到有個群組短訊通知：「恭喜xx偷精造人大計成功」，始揭發原來對方從上年開始停藥，換言之，有小朋友並非意外，是她悉心安排。

當晚他們攤牌，老婆反駁：「我只係想要個完整嘅家庭，你人工收入絕對可以養到小朋友。我唔早講，係因為講咗後我一定會反對，最後只會離婚。」不過他表示從一開始知道老婆欺騙自己就已經很反感，有跟她離婚的打算：「我完全唔想要個小朋友，一係就仲有得落就落，一係睇到時判贍養費判幾多，我就畀返你！」老婆反問我：「點解可以咁冷血？個小朋友係無辜！」

被老婆機關算盡謀住份糧 人夫崩潰打算離婚

人夫批評老婆沒有考慮過他的感受，他指自己都是無辜，揚言如果老婆的確有吃藥而又意外懷孕，他當然會負責任，但現在他完全被蒙在鼓裡，就不能容忍。加上，他指老婆的人工根本養不起一個小朋友，香港環境更加不適合生小朋友。老婆反駁：「我一開始計你每個月畀二萬我就得，到時候你份工可以專業移民帶埋我哋。」他不屑表示老婆從頭到尾只顧住自己：「原來計劃係自己無能力做到，又無問准其他人嘅。自己想要所謂『完整』嘅家庭，就生個小朋友喺香港捱。大佬！我唔使照顧兩老？可以話走就走嘅話，我一早走咗啦！」

他補充，被最親的人欺騙的感覺絕不好受：「我明要個小朋友一出世就單親好慘，但其實我真係好唔鍾意小朋友，我都好慘。或者大家會X我自私，但我都係比人呃。真係最多一個月見一日令個小朋友好過啲。點解人可以咁恐怖，七年都唔知同咗個咩人一齊。大家有無咩建議可以處理到個小朋友？」

大多網民支持人夫 炮轟老婆呃人

有網民反鬧人夫自己沒有做好避孕，一味旨意老婆:「你一早就知自己咩料，就應該一早去紥左佢啦，女人成日食藥你估唔傷身㗎？另外想聽吓老婆角度嘅講法」。不過更多網民指人夫才是受害者，炮轟他老婆存心詐騙，有計劃、有預謀，今日呃生仔，他日可能會用相同手段欺騙他，勸他早離早著：「咁大件事都呃得，唔離婚第日仲事無忌彈（肆無忌憚）」、「我覺得樓主就算今次妥協，以佢老婆嘅為人難保唔會有第二次…今次係生小朋友，下次係買/賣樓？佢老婆本身個為人好恐怖…」

資料授權：Facebook專頁「生仔要考牌系列」