生日蛋糕連鎖餅店寫錯字！網民齊齊分享錯字生日牌「真係超無奈」

Mar 20 2023

一年只有一次生日，不少人都會為壽星買生日蛋糕慶祝，但若然拆開蛋糕先發現上面的名牌寫錯字點算？早前有網民於Facebook群組中，開名指責一間大型連鎖餅店在生日蛋糕上寫錯字，即時引起極大迴響。不少人網民留言指該餅店原來經常寫錯字，亦有人表示樓主取蛋糕時應該要check清楚。

生日蛋糕大型連鎖餅店寫錯字！樓主：竟然犯低等錯誤

早前有網民於Facebook群組「何文田街坊」中留言：「一間算有番咁上下規模嘅公司，竟然犯啲咁低等嘅錯」，並上載了兩張照片，一張可以見到蛋糕上的Happy Birthday牌上寫著「身體健康」，不過個「體」字右下的「豆」字變了「月」字，而另一張照片則是來自日本的連鎖餅店Chateraise的門口相。

chateraise 生日蛋糕早前有網民於Facebook群組出post，指控餅店生日蛋糕寫錯字。 — 早前有網民於Facebook群組出post，指控餅店生日蛋糕寫錯字。（圖片來源：Facebook群組「何文田街坊」截圖）

chateraise 生日蛋糕生日蛋糕生日一年一次，如果蛋糕上寫錯字，也是遺憾事。 — 生日一年一次，如果蛋糕上寫錯字，也是遺憾事。（圖片來源：unsplash@allthestories）

網民留言：日本師傅唔識寫

樓主發帖後，即引來不少網民留言，部分指：「人地寫開身体健康」、「與內地接軌，唔識寫繁體字」、「會唔會員工唔識繁體字？」亦有人懷疑因為是日本公司，師傅不懂寫個「體」字：「可能係日本人寫的」、「個日本師傅唔識寫繁體個『體』字㗎」！當然即時有人指正：「塊生日牌係啲店員寫㗎」！更有網民表示：「買過幾次，店員都係比張紙個客叫佢寫低要寫咩，之後個店員跟住寫，可能係個客自己都寫錯。」

網民齊分享搞笑生日蛋糕錯字

有網民留言指樓主生日蛋糕錯字未算過分，她同於Chateraise訂了個生日蛋糕送給老公，朱古力牌上寫著「親愛的前夫生日快樂」，但個樂字上面兩個「幺」字，下面竟然有三點，變了「糹」！她慨嘆：「幼稚園都識寫嘅字竟然寫到咁樣！當日仲要好多人同我老公慶祝生日，真係肉酸到暈！」之後有另一網民分享，蛋糕上的「杰杰」，下面只得3點：「我早排都試過，原來呢間野興寫錯字！」

chateraise 生日蛋糕生日蛋糕有網民懷疑樓主自己寫錯字。 — 有網民懷疑樓主自己寫錯字。（圖片來源：Facebook群組「何文田街坊」截圖）

chateraise 生日蛋糕生日蛋糕快樂個樂字都寫錯，難怪網民嬲嬲。 — 快樂個樂字都寫錯，難怪網民嬲嬲。（圖片來源：Facebook群組「何文田街坊」截圖）

chateraise 生日蛋糕生日蛋糕網民發現Chateraise經常寫錯字！ — 網民發現Chateraise經常寫錯字！（圖片來源：Facebook群組「何文田街坊」截圖）

爆笑留言：我差啲唔記得原本個「體」字係點寫！

眾多留言之中，有一個相搞笑：「睇完笑咗之後佢搞到我差啲唔記得原本個體字係點寫」！除了得到199個like及哈哈笑之外，更有很多人留言「+1」，更有人表示「我都係，要諗咗好耐先至諗返個體字點寫」！

另外亦有網民指樓主應該要check清楚：「其實可以check清楚，佢上次都寫錯我，但我有check佢會即刻改比你。」樓主亦表示自己「拎走檢查蛋糕既時候真係冇為意，都要負返小小責任嘅。但如果作為一個師傅，生日牌上來來去去都係寫happy birthday ，生日快樂，身體健康，青春常駐等，我就覺得唔應該會寫錯。」