男人必需戒甩7個幼稚陋習！港女：如果改唔到，幾靚仔都無用
廣告
女仔拍拖結婚都想有被照顧、寵愛的感覺，而成熟的男人可以給予對方一種安心同放心的感覺，令到女人得到依賴的感覺是最緊要的。不過男人思想上都會比較幼稚，要成為真男人就有7個幼稚陋習必需戒甩！
幼稚陋習︳1. 認叻，係威係勢
有港女就認為如果面對一啲好鍾意吹噓自己的男人係非常討厭，講到自己博學多才乜都識，人哋講咩都忍唔到口要糾正人，成日喺人面前認叻，講到自己係威係勢，其實咁樣人哋真係唔會覺得你好叻，相反只會俾人感覺好扮嘢，班門弄斧！
幼稚陋習︳2. 只睇外表、身材
雖然鍾意靚女唔係罪，但如果太過著重外在條件，成日幻想自己另一半要好似模特兒、KOL一樣咁靚就大鑊！要成為一個成熟的男性就要明白靚係唔上外在，係要睇埋內在。
幼稚陋習︳3. 活在當下唔諗將來
無論喺工作、財政、感情、家庭、個人方面都應該要有目標，如果只係活在當下，只係諗自己唔諗將來，另一半會好無安全感，會覺得你玩玩吓，唔成熟。
幼稚陋習︳4. 揸唔定主意
去到一定的年紀，開始出嚟社會工作，但個人仲係優柔寡斷，對所有嘢都無乜主見又揸唔定主意，意味著唔識得衡量事物輕重，做人無目標，遇到好多決策的事都會要求就手就算，根本有時連自己想要咩都唔知。
幼稚陋習︳5.無主見容易受人影響
個人極度隨波逐流，無性格、無獨特性，遇到咩問題都問咗兄弟、朋友先，唔諗吓自己到底想點，無自己的見解。
幼稚陋習︳6.唔識同人溝通
咩都收收埋埋唔講，對方又點會知你諗咩？唔識講自己感受，唔識同另一半溝通解決問題，最後都係分手收場。
幼稚陋習︳7.無安全感又好勝
個人無自信，通常都會鍾意踩低其他人嚟抬高自己，喺人地身上搵返自信，令自己感覺良好，而呢種人通常又好勝又無安全感，令到另一半乜都要就晒佢，聽晒佢話，真係壓力山大，拎得起放得低先係大丈夫！
男人有什麼幼稚陋習？
有港女就認為如果面對一啲好鍾意吹噓自己的男人係非常討厭，而且…詳情請看
男人對自己另一半有什麼幻想？
雖然鍾意靚女唔係罪，但如果太過著重外在條件，成日幻想自己另一半要好似…詳情請看
圖片來源：《男朋友》、《黑暗榮耀》、阿旺新傳、《怪物》Meme 梗圖倉庫《擺渡人》、《Barbie芭比》、
