囡囡學校男老師follow PTGF！ 網民：想同學校報告
廣告
好多男仔都會喺Instagram follow唔同嘅女性，欣賞佢哋嘅美貌。早前有網民喺討論區話發現囡囡學校嘅男老師嘅Instagram賬號follow咗好多PTGF（兼職女友），因此考慮向學校告發，但又怕囡囡會比學校秋後算帳受到影響，問網民該如何是好，而網民則持有唔同嘅意見。
撰文：Kamen｜圖片來源：電影截圖
囡囡學校男老師follow PTGF 網民：想同學校報告
事緣有網民喺討論區發言，話「不嬲同阿女關係都好好，所以佢比我用佢個Instagram賬號。年幾前睇到佢地學校有個男老師賬號follow左好多ptgf，宜家阿女升高中，佢想揀數，所以會比個位男老師教，好擔心。想同學校報告但係驚學校秋後算賬，影響阿女，想問大家點做好？」
有網民覺得係男老師自由 而且只係follow 唔等於幫襯
網民1：阿sir叫ptgf應該有佢自由
網民2：Follow唔等如叫，再講，呢d係呀sir私事，與你何干？
有網民就覺得只要唔係搞學生，follow ptgf冇問題
網民3：人地就算叫雞都唔關你事 其實都好正常既事呀除非佢攪自己學生姐唔通老師就唔可以有需要
網民4：係咪唔聲唔聲搞咗學生驚D呢? 呢個人follow ptgf 都唔介意人知，咁光明正大你怕咩
網民5：防範未然當然好，但係我又唔覺得個老師會對你個女點 阿sir都有私生活ga
亦有網民支持同學校報告嘅做法
網民6：寫匿名信比校長
其實男老師follow啲咩人的確係佢嘅私隱，但一旦佢比咗自己學生follow自己account，個帳號嘅內容就變左可以比學生睇，咁嘅情況下為免引起麻煩就唔太方便follow ptgf啦。最後都希望依位男老師可以好好搵個固定女朋友！
