搭的士被司機嫌短途以粗口辱罵 網上委屈訴苦反應兩極：司機都可憐！
廣告
的士司機捱更抵夜，是個吃力不討好的職業，有時未免會黑起面、無表情地揸車，而日前就有一名港人於網上大呻搭短途的士，遭受到司機無禮的對待，被司機以粗口辱罵，更直指司機「好心佢唔願做就唔好做」，帖文一出後，網民卻大對數掉轉頭撐的士司機？
搭短途的士被司機粗口辱罵！
搭的士時不少人都怕因為短途令司機不滿，而近日在Facebook群組「的士司機資訊網 Taxi」，就有乘客出文大呻上車後被司機辱罵。「上車講目的地之後冇出過聲，全程只係講出目的地之後就要俾的士司機咁話，由九龍灣站去企業廣場，唔識路去乘的士都係錯，行短途鬧人冚XX，鬧人乞衣，好心佢唔願做就唔好做。」
乘客委屈網上苦呻 網民反撐司機：人哋可能排咗成個鐘
不過網民對於乘客的批評，卻有點質疑，認為是乘客本身語氣會不會太差，才令司機態度惡劣。更力撐司機不想載短程也是人之常情。「有X客自然有X司機永遠都不變」、「問題係點解會無緣無故鬧你，真係因為短途咁簡單，會唔會本身你自己態度有問題呢？」、「短途搭巴士啦X客」、「人哋可能排咗成個鐘，做你27蚊，要再排龍尾。」
但亦有網民撐乘客，覺得短途司機都是要載，更不應該辱罵乘客。「佐敦落大角咀，試過司機話點解唔搭地鐵？」、「我先話做好服務先，根本就唔洗加價都好多人坐」、「長短途都係客，上得車有錢搵，話之佢咩客。密密執囉。密食當三番，食多變爆棚」。
圖片來源：TVB《降魔的》劇照、《十年》劇照
