皇帝蟹煮熟打開蓋驚見巨量寄生蟲卵？好奇網民一查揭真身：長知識了

網民：係咪寄生蟲？

近日有網民於「香港街市魚類海鮮研究社」發文，表示他們一家在觀塘區街市買了一隻皇帝蟹，打算蒸熟品嚐，就在料理完畢打算食用時，打開蟹蓋卻發現蟹內有大量卵狀物！根據事主上載的照片可見，打開蟹蓋後有一大堆夾雜著灰色與黃色的卵狀物積聚在皇帝蟹的腮部位置，令他既疑惑又不安地詢問廣大網民：「打開呢包係咪寄生蟲！？」

事主的帖文引起熱議，大批網民直言「睇見都毛管戙」：「真係唔敢食」、「都唔係食唔食得嘅問題了，見到都經已冇晒胃口」。有網民表示，最近有不少人在進食時發現同樣的情況，但仍未有人能證實卵狀物的真正身份。網民大致分為兩派，一派認為卵狀物其實是蟹卵，但就被另一派認為是寄生蟲卵的網民反駁到：「蟹籽唔會喺鰓位，而且蟹籽唔係咁嘅樣」、「肯定係寄生蟲，但挑走佢再蒸熟就冇事。」也有網民表示疑似蟲卵太恐怖，因此一見便棄掉。

亦有曾遇見同樣情況的網民回應到：「見到真係唔想食，幾乎想掉咗去，屋企人唔捨得掉，後來都食咗！冇痾冇事，到現在尚在人間。」更有網民分享食後感：「幾香！似魚油」、「食過好煙韌，無味」、「我試過咬一粒，好鬼腥」。

「寄生蟲」卵狀物的真身揭盅

最後有好奇的網民發文表示：「唔少人話係皇帝蟹卵，但我又諗，蟹卵應該大多數放喺蟹掩個位度，無理由會生喺個鰓度玩X自己。」遂上網查證卵狀物的真正身份，原來蟲卵真身既不是寄生蟲卵，亦不是皇帝蟹卵，其實是一種名為Snailfish（蝸牛魚）的魚卵！

蝸牛魚可棲息在超過8,000米的深海之中，在牠們需要繁殖的時候，牠們會騎到螃蟹類上，再將卵寄生在螃蟹類的鰓腔上，以確保魚卵可以順利出世。另外，蝸牛魚也不止會將魚卵寄生在皇帝蟹上，也會寄生在其他螃蟹類上。亦有人補充，通常魚卵孵化後，幼魚會食蟹的內部，這種寄生方法是確保幼魚一出世有食物。當然食用魚卵是沒有問題，但好不好吃就見人見智了！

謎底解開後，不少網民都恍然大悟，直言：「長知識了」、「不過個樣真係好鬼核突，見到真係唔開胃，都係唔想影響屋企人，勉強食咗件就放棄」、「我個日食咗…又話蟲咁，嚇到X縮」、「可惜了。」而事主一家最後也開心享用了那隻皇帝蟹。