連續多天濕度高達100% 港人大呻「真係濕過洗地！」呢區最誇張！

各區網友大呻：「真係濕過洗地！」

各區版主均以家中潮濕為題出帖，引來網友紛紛分享家中牆壁、地板和天花板濕𣲷𣲷的滴水情況，屋苑大堂走廊更是重災區，其中以公共屋邨出現發霉和地面濕滑的現象最為嚴重，濕滑程度猶如溜冰場，大家出門口小心跣親：

• 「我家走廊比你這張圖還要濕」
• 「未試過咁濕！廁所抽極都係濕到好似岩岩沖完涼咁」
• 「條樓梯濕到又係差啲跌到」

蘇玉華都出post呻：全屋滴水！

演員蘇玉華亦忍不住於Facebook出帖：「咩料？全屋滴水！」引起極大迥響，網友紛紛表示認同，更有人叫她不用擔心，全港都滴水。

• 「啲牆好似俾人用水喉噴完咁」
• 「成間屋外牆全部出水」
• 「浴室塊鏡昨晚自沖涼後糊到依家依然糊」
• 「今朝門同鐵閘都出晒汗」
• 「雪櫃都哭了」

慈雲山成重災區 居民：「歷年最勁今次！」

住所位於山邊或海邊如青衣、大埔、將軍澳、天水圍等地的情況更加嚴重，尤其是慈雲山，於網上群組「慈雲山資訊交流」中，有大量居民貼圖表示不論任何座向的屋苑均無一倖免，周圍都很多水霧，有屋苑更驚現水簾洞，連鐵閘都可以畫字，紛紛表示未試過咁嚴重。有居民更指開抽濕機已經不足以應付今次潮濕天，刷新紀錄要同時開抽濕機、冷氣和暖風機才能解決。

• 「越高越出水」「我屋企成地濕哂，冷氣加抽濕機都唔太掂未試過咁勁」
• 「天花板仲發埋霉添……唉……」
• 「我屋企都向西北，無開窗，屋企天花都濕，從未試過呢個情況」
• 「都係向山，全屋無開窗無開抽氣扇，天花滴水」
• 「廚房2個鐘頭內抹了第3次 好快就出水珠」
• 「我出𨋢都幾乎仆低 整地水 屋企個地濕到好似街市 最慘係沖涼時 天花板不停滴水 我成個頭濕哂 好頭痕！」

未來9日繼續濕

根據天文台的九天天氣預報顯示，表示未來兩三日逐漸有潮濕的海洋氣流，今個週末至下星期一沿岸地區有霧，連續多天的的濕度更會高達100%，看來大家接下來要做好一系列防潮準備了。