【又黑面？！】成日被誤會心情唔好 美研究：「天生臭臉」確實存在！

撰文：Kammy｜圖片來源：Instagram

美研究：「天生臭臉」確實存在！

美國某科技公司一項研究指出，原來呢個世界上真係有「天生臭臉」嘅人，為一眾習慣成日畀人誤會擺臭臉嘅人作大平反！同時，喺科學報告中指出，你哋最愛擺嘅「臭臉」已經成功超越語言、國家嘅隔膜，成為一種新嘅國際通用語言。

研究人員運用公司內專門研究人類表情嘅軟體FaceReader研究「臭臉」表情，將標上臭臉標籤嘅名人作為研究對象，並將照片放進軟體中分析，結果得到了十分有趣嘅發現。

研究人員先分析一般人唔笑時嘅肖像，結果發現，呢類表情被軟體認定為 97%嘅「中性」，剩下 3%則係微量情緒，隨研究對象不同隱含悲傷，快樂或憤怒嘅情緒痕跡。

然而，換上普遍被認為「擺臭臉」嘅名人肖像時，佢哋發現原本嘅微量情緒從 3%升高到 6%，而且呢類微量情緒多半帶有「輕蔑」嘅情感在其中。

分析發現，某啲人認為自己毫無情緒起伏時，佢哋某啲細小嘅微表情，例如細微嘴角向下，或稍微瞇眼等會被解讀成「臭臉」。

微小表情常被錯誤解讀

然而，根據美國 Ohio 州立大學嘅研究，佢哋分別搵到母語為英語、西班牙語、普通話同美國手語嘅人作為研究對象，發現經常被認為擁有「天生臭臉 」（Resting bitch face）嘅人，臉部都集中呈現3組唔同表情，分別係：「皺眉」、「抬下巴」以及「緊閉雙唇」嘅微表情。

研究人員指出：「由研究結果分析，這些臉部微表情所傳達的情緒已經成為一種獨特、國際性的身體語言。」所以，經常被人認為愛擺臭臉嘅你，唔使擔心受到其他人鄙視同孤立，因為「臭臉」已經被認證成為國際通用嘅語言之一！