朱古力、牛油果咁有用!? 9種姊妹恩物食材防私處異味 順手叫男友記低
撰文：酒啊九叔、Athena｜ 圖片來源：新傳媒資料庫 ｜ 編輯：Heitung@Central（原文刊於新Monday ）| 資料來源：ETtoday健康雲
朱古力、牛油果咁有用!? 9種姊妹恩物食材防私處異味
1. 紅莓汁
紅莓擁有抗氧化花青素和豐富的維他命A、C和E，能擊退私處的尿道細菌，加拿大研究更指出能夠抗尿道炎。最好選擇一些天然無糖的紅莓汁，對身體無副作用又健康。
2. 乳酪
乳酪本身就係益生菌，可以幫助陰道維持酸鹼度。如果唔鍾意食乳酪嘅話，泡菜、酸青瓜和德國酸菜都有好豐富的益生菌。
3. 番薯
番薯有豐富的維他命A，能令陰道和子宮壁維持健康。 而且番薯的卡路里很低又飽肚，能減肥又健康，非常適合。
4.蒜頭
原來生食蒜頭可以殺菌，紓緩陰道感染。不過食完之後可能要刷牙、飲下水啦，如果唔係到時就唔係妹妹臭到人，係把口臭死你BB啦。
5.大豆類食物
豆腐、豆漿和枝豆等等嘅大豆類食物含有植物雌激素能保持陰道濕潤健康。不過過度加工嘅大豆食物係無用㗎，最好食番啲最天然嘅豆類食品。
6. 牛油果、蘋果
呢兩樣果平時都好易買到，都可以保持妹妹持久濕潤同健康。
7.水
原來另一半成日叫自己飲多啲水係啱嘅。但最好除了把口叫飲水之外，都多啲關心下你嘅BB豬，自然又Warm又開心。一日飲8杯水就自然身體好，陰道健康都無問題啦。
8. 黑朱古力
食朱古力可以令人開心之餘仲可以抗氧化，食黑朱古力仲可以提升女仔嘅性慾同性能力。咁作為男仔嘅你，想你另一半性生活健康快樂嘅都可以送啲朱古力畀佢哋呀。
9.新鮮蔬果
蔬菜生果可以幫助消化、增加血液循環、維持身體健康，仲可以減少經痛。食多啲菠菜仲可以增強你嘅血液循環，令你嘅妹妹無咁Dry。除此外，中醫師亦曾提過蜜桃或火龍果都是治補生果，對於女士們的月事帶有保護的功效，且能減低大姨媽探訪期的不適，絕對適合女士食用！
最後呢，其實食少啲紅肉都可以令你嘅體味冇咁重。因為紅肉含有豐富的蛋白質，令到細菌滋生，陰道容易變得敏感。所以無咩必要都唔好食太多肉類喇。
