紫控留意！紫色限量廚具 電烤盤 開賣日
廣告
各位愛紫色又愛入廚靚太OL要留意！今次Sunday Kiss介紹一系列紫色廚具非常吸睛，睇得又用得，部分廚具是百貨公司率先開賣及限量款。除咗Le Creuset（LC）例牌吸引一眾女士之外，其中最令人心動是首次出現的Rasonic 薰衣草紫色限定版多功能電烤盤，確定明天（11月16日10am）於一田eshop率先開賣（eshop.yata.hk）。如果大家有興趣入手，記得一早登記做會員並填好送貨地址，預定時間入去網址睇睇。今次一田限售300部Rasonic 1200W 多功能電熱盤（紫色），如果錯過eshop搶購，就要等一田購物優惠日（11月24至28日）。
Rasonic 薰衣草紫色限定版多功能 電烤盤 ，之前推出紅、白、粉紅3隻色，紫色屬首次開賣。多功能電烤盤配備木紋手柄，可以跟不同盤使用，大部分盤屬陶瓷塗層，不易磨損及防粘易潔，可直接拆出用水清洗。電熱盤附有指定盤，而部分需另購，可根據需要購買。一部機可以整章魚燒、pancake、鍋物等等。一田eshop率先開賣的紫色烤盤本身跟淺鍋及章魚燒盤，售價$853，如果另加陶瓷深鍋（$194）同多用途烤盤（$166）就記得要在購物清單加剔，因為無得獨立發售，不設散賣。整套售價為$1,213。
而LC最近推出Bluebell Purple陶瓷廚具系列及琺瑯鑄鐵系列，由11月14日起，SOGO Thankful Week率先推出新款Bluebell Purple琺瑯鑄鐵系列，可以去SOGO 購買之外，亦可以遲少少去專門店買亦得。Bluebell Purple以藍鈐花為藍本研發限量色，推出多款不同形狀的琺瑯鑄鐵鍋，包括首次推出的花形淺底鑄鐵鍋，用來烹調「無水蒸」菜式可保留食物原汁原味，花形淺底鑄鐵鍋將於11月18日全線SOGO專櫃及Le Creuset專門店發售。
有紫煲，點少得配紫色系廚具，同場推介多一件「紫廚」，記者行開一田見到呢set紫色矽膠鏟+湯勺，唔怕刮花煲，每個都係$38。
*以上產品的價格以相關店舖為準。
