綠葉王 彭皓鋒 捱足20年 美國奪最佳男配角
彭皓鋒 這名字，聽落好陌生，彭比得、彭國樑？都無乜印象……當看一看樣子，「我認得佢！但講唔出個名……」 彭皓鋒 （Peter）最令人記得是歌手彭家麗的弟弟，在TVB演出十多年，大多演綠葉角色，但近乎所有戲都有他份兒，觀眾對他一點也不陌生。
改過幾次名的Peter，2012年離開TVB後轉投港視，惟失落牌照後要找後路，2013年經堪輿學家楊皓雲師傅指點後，決定改名「皓鋒」，立即轉運連接內地劇，現在所有工作親自接洽，密食當三番，全為了家中的太太及三個孩子晉謙、凱宜和葦僑，最小的年僅一歲，要更努力賺奶粉錢！
梅小青帶挈 內地多人識
Peter首兩個孩子已是小學生，回想出世時，他仍在TVB打滾，又不是紅星，份糧僅夠自己食，怎能養起四口一家？「當時好彩識咗黑妹姐（李麗霞），佢帶我去做騷，做吓做吓……嗰兩年基本上靠佢，夠使就得啦，依家有戲拍就好啲。」
TVB 收入少、港視無牌，Peter周圍搭路，希望北上發展，因緣際遇下，獲當時同樣離巢TVB的金牌監製梅小青及丈夫劉家豪邀請，拍攝內地古裝劇《衛子夫》， 為他打開了方便之門。《衛子夫》網上點擊率高達26億，並獲得第九屆中國電視觀眾節「觀眾最喜愛的十大電視劇」，令更多人認識「彭皓鋒」，更多登台機會， 更多戲拍，近半年已參演了三部內地電影。
北上拍劇女喊：我冇爸爸
內 地機會處處，有否後悔太遲北上發展？「唔會，呢行都係機遇，早走的話我又未必拍到《衛子夫》。其實喺TVB練到好多嘢，對將來都有用，我以前拍得多，差唔 多九成嘅劇都有我，依家北少少地方嘅人都認得我，所以呢十幾年唔係白做。」作為一個演員，總希望能演出有發揮角色，次次都做路人甲、警員乙、同事丙，都很 無癮吧！
「唔係㗎！TVB每個監製都有用我，每年總有一至兩個角色係有戲，觀眾會記得，成日以為自己有啲機會，跟住就冇咗，做番同事甲乙丙，呢十幾年就係 咁過。」
有失必有得，在TVB雖無上位機會，但密密做也夠糊口，最重要是贏到個家，Peter能一直陪伴子女成長，尤其對小朋友的頭幾年很重要，反而他開始北上發 展，令子女一時間難以接受，Peter的太太Barby笑說：「個女返學校喊住同老師講：我冇爸爸喇！連父親節禮物都唔整，老師同個女解釋爸爸只係上大陸 返工啫，唔係唔返嚟，後來明白晒先整番父親節禮物。」
相隔六年意外生多個
以 為Peter轉運所以生第三個，原來只是美麗的意外、天賜的禮物，Peter讚細女Anna腳頭好，「佢喺阿媽個肚時，已經有個幾有地位嘅人認佢做契 女。」半年前，訪問當日，Anna只有六個月大，與八歲的哥哥Anson和六歲的姐姐Alyssa有代溝，幸好女仔天生有照顧人的心，Alyssa有幫手照顧妹 妹，Peter說：「佢成日都話要抱妹妹、幫手餵奶，佢兩歲嗰陣已經幫哥哥拎書包、拎鞋，照顧番阿哥，識行冇耐咋喎。」
不過，Alyssa 性格像管家婆，六年來都是做細妹，父母常叫哥哥遷就她，形成了她的「小惡霸」形象，經常恰哥哥。雖然如此，兩兄妹邊有計，哥哥從沒有記仇，只是把愛護妹妹 之心收得較埋，表面看來少理睬妹妹，鍾意打機，拍攝當日寧願捉着攝影師哥哥打機，也很少與她們玩耍，Peter笑他表面如此，其實個心好錫妹，「買嘢佢會 話買埋俾妹妹，買嘢飲又會揀埋俾佢哋。」
彭家麗愛抱B自拍
育 有三兄妹，Peter自己一代都是三姊弟，細家姐就是歌手彭家麗，僅大一年，兩姊弟沒代溝。70年代沒機打，物質缺乏，身為細佬只能玩家姐的玩具，「我父 母都驚我變咗女仔㗎，一齊玩煮飯仔，以前邊有得選擇呀，電視都冇得睇啦，我哋嗰個年代啲電視仲係有門，可以鎖埋唔俾你睇。我記得同家麗有落樓下踩單車、打 羽毛球，應該10歲、8歲左右。」
家麗沒有兒女，視Peter的子女如己出，非常愛錫，除了忙唱片工作期間，每星期最少抽空探望一次，最鍾意玩selfie，Peter笑說：「佢嚟冇咩玩㗎，成日玩自拍囉，依家成日抱住BB自拍！」
患妊娠糖尿誕超肥B
細 女Anna肥嘟嘟超可愛，比起哥哥姐姐的BB時期，差不多重一倍，出世時更因太大隻，需提早三星期催生，重8.2磅，五個月大已達20磅。Anna如此重 磅，卻因媽媽Barby患上妊娠糖尿病的影響。「冇成因，只係因為懷孕改變咗賀爾蒙，影響內分泌。」Barby懷孕三次皆患上此病，上兩次生完無事，今次 產後六個月，血糖水平仍未回落至正常水平，「助產士話我生到第三個，個病唔使甩㗎喇，咁我check完，（血糖水平）真係俾之前生完都高啲。」
診 斷妊娠糖尿病，最好是在24至28周時，但Barby有兩次前科，今次在懷孕初期就作檢查，結果一如所料，立即乖乖戒口。「乜都戒，飯都冇得食，因為飯嘅 糖分高，只能食兩三啖，陀BB應該要食多啲嘢㗎嘛，所以好矛盾，又驚多食唔健康，跟餐單食又會肚餓。」為了取得平衡，今次懷胎十月不易過，飲食上盡戒澱粉 質和糖分，「飯、麵、糖、甜品戒晒，其實心情都唔係幾好。」患上妊娠糖尿的媽咪會較早出現水腫、易、偶爾更見暈，「平時血糖低見暈，食粒糖就冇事，但我唔 食得糖，惟有多啲休息。」產後即使血糖重回正常水平，長遠仍存在風險，將來患上糖尿病的機會較高，現在也要繼續戒口，保持身體健康。
