【網民熱話】港媽戲院開閃光燈影相 網民好意提醒反被「啤」
廣告
入戲院睇戲要收埋電話是常識吧！就算唔知，電影開場時都會有各種提示影片提醒大家收埋電話，相信大部份人都會乖乖遵守！不過，近日有網民就分享喺戲院見到有港媽開閃光燈影相，該網友好心提醒，卻被港媽怒目對待。
撰文：Kamen | 資料來源：生仔要考牌系列|圖片：生仔要考牌系列、thinkstocks、unsplash
網民熱話 港媽戲院開閃光燈影相
有網民在Faecbook專頁「生仔要考牌系列」發文，表示遇上一班港媽帶同小朋友一共十多人去戲院睇卡通片，其中一個媽媽就開閃光燈為小朋友拍照。
不過似乎因為環境太黑、小朋友又唔合作唔望鏡頭。該媽媽竟然再影第二次，亦有開閃光燈。
而且一不離二、二不離三，呢位媽媽竟然想影第三次，呢個時候網民朋友忍唔住開聲叫佢哋唔好係戲院影相。雖然呢位港媽即時收起電話，不過就「口噏噏」表達不滿，仲話要影住網民佢哋，完場時「啤」住佢哋。
