21歲網紅拒絕生育列16大原因：身材改變 失去自由 並非最嚴重?

21歲網紅拒絕生育列16大原因

近日，一位來自澳洲悉尼的媽媽在Tik Tok拍片，指現在已經下定決定不會生BB，雖然很多人說她年紀大了，母愛增加，想法就會改變，不過她直言懷孕壞處多，今世都唔想生，更數出不想生BB的原因。

拒絕生育原因1.身材改變

懷孕或會撐大肚皮，有機會出現妊娠紋，生完又會令肚皮鬆弛。加上媽媽要給營養小朋友，所以通常都會吃得很豐富，導致身材改變，產後即使想努力復原，也未必可以跟產前身材一樣。

拒絕生育原因2.佗B過程痛苦

脫髮、甩牙等問題都有機會發生，生育時仲要承受陣痛，要等待子宮頸開指才可以入手術室。生育時要頂住十級痛苦，又不知道小朋友會否有突發情況，媽媽分分鐘有生命危險。

拒絕生育原因3. 不能想怎樣就怎樣

沒有小朋友，她可以無拘束地追尋夢想、去旅行，但如果有小朋友，顧慮會比較多，並非能夠說走就走。

拒絕生育原因4. 世界末日

很多人預言就快世界末日，發生全球災難危機，25年後就會出現糧食短缺，地球不再適宜居住，人類會滅亡。她不明白為甚麼還要小朋友帶到世上，倒數未日的到來。

拒絕生育原因5. 不想承受其他人的批評

生完小朋友，好多媽媽都要聽長輩意見，如四大長老、鄰居、街坊、其他媽媽都是覺得他們那套是最好，對你的育兒方式指指點點：「唔係咁㗎！」、「你咁樣佢咪凍親囉！」、「唉你點做人媽媽㗎？」、「算啦算啦，你行開啦」很多媽媽壓力大到會有壓後抑鬱。

拒絕生育原因6. 不想谷奶

很多媽媽會遇上乳汁阻塞乳腺，導致谷奶問題，乳房脹痛，甚至變硬，好像章子怡就曾抱怨變「岩石胸」，痛不欲生。

拒絕生育原因7.要用很多錢

想生小朋友，要支付奶粉，尿片、濕紙巾、奶樽、BB衫、BB床的費用，等他長大又要支付學費、書簿費…總之樣樣都要錢。如果收入太緊絀，就不應考慮生育了。

拒絕生育原因8. 怕生出「高需求BB」

她指自己是一個好需要獲得別人關注的人，很難想像這世界上有另一個和自己一樣的小朋友，她寧願這個小朋友永遠都不會出現。

拒絕生育原因9.不想換尿片

小朋友年紀太小，不懂自行如廁，惟有穿尿片。媽媽需要定時幫他們換片，又要忍受惡臭，她形容是令人厭惡又不得不做的事。

拒絕生育原因10.胸部變形

懷孕後，因為荷爾蒙改變及餵奶，可能會令胸部鬆弛及下垂。

拒絕生育原因11.就是不想生小朋友
拒絕生育原因12.有機會因懷孕終生患上糖尿病
拒絕生育原因13. 不想花盡所有時間照顧小朋友
拒絕生育原因14. 照顧小朋友需要大量人力資源
拒絕生育原因15. 不想改變現時的生活方式
拒絕生育原因16. 害怕自己有一日不再愛小孩

唔生 v.s. 要生網民意見兩極

不少沒有小朋友網民表示認同，覺得生育是麻煩的事，既浪費時間、精力，又要犧牲很多：「我好慶幸自己不婚不育，想買咩就買咩，放咗工想去邊就去邊，自由得很」、「我無小朋友，所以三十幾歲已經退咗休。今年暫時去咗四次旅行，plan緊今年內去多兩個trips。真心爽！」、「我見過好多唔生育嘅夫婦，反而更幸福，尤其是生活系香港，又要供樓又要生小朋友，其實都唔系咁容易」也有網民覺得很多家長不懂教仔，認為不生育也是好事：「最討厭嗰啲係無能力又唔識教，仲要生一大堆嘅人」。

但亦有網民認為小朋友帶來的樂趣多：「好多朋友都話唔要生細路，但最後生完一個又生多個，只能講身心俱疲但絕對值得」、「唔生唔緊要，但就唔好好似我阿叔同老公阿叔咁，自己又唔生，吃喝完樂到各自兩公婆六張幾嘢，見到我地有小朋友又過黎攪住晒，又話有乜事幫幫手，自己人生自己攪掂就得」、「我以前都會說不要小孩子，但當你真有天為人父母，你也許會有不同看法」、「有好多人過左40就會後悔，我自己都係後生生，雖然係好辛苦，但辛苦同快樂係相對！」、「養育小朋友會帶來愛及互動嘅快樂，真係有小朋友嘅父母先會明白箇中感受」、「未生過的人係唔會明白有小朋友而帶來的優點，只會看到缺點」。