美食博覽 10大必食必買指南大公開！
今個暑假成日都見到梳乎蛋， 美食博覽 都唔例外！呢期最紅的梳乎蛋馬卡龍，每粒都有不同的「梳乎」表情，仲有小朋友都鍾意嘅Little Twin Stars，不過呢兩盒都係會場限定貨品，只賣100份咋，真係手快先有啦！
意大利飯總係令人想食完又食，但稍為有質素都要過百蚊一碟喎！Luv Chef 系列罐裝意大利飯/西班牙飯每日限量首6份$1一罐咋，不過搶唔到唔緊要， 美食博覽 價都係$200兩罐（原價$300/兩罐）。Luv Chef 系列設有兩種味道，分別為意大利蘑菇牛肝菌燴飯(Mushroom Risotto) 及 西班牙紅湯雜菜燴飯(Vegetable Paella)。
一套Luv Chef 配有高湯及意大利/西班牙米一包，足夠 2-3 人食用，而且煮法簡單，只需把材料放入平底窩內，慢火烹煮 15 – 20分鐘即可享用！仲標榜100 % 純天然材料製成，不含任何味精、色素及防腐劑，小朋友都可以食得健康！
Luv Chef 罐裝意大利飯/西班牙飯
美食博覽 價：$200/兩罐（原價$300/兩罐）
仲有煮法教學！
攤位內仲有「花果椿妝」水果花酒，「花果椿妝」於台灣嘉義新鮮製造，加入新鮮水果及花的精華釀製而成， 分別有玫瑰荔枝、薰衣草及櫻花蜜桃三種口味。櫻花桃蜜酒內含一顆食用櫻花，清新香甜並散發出淡淡花香味。
「花果椿妝」水果花酒
美食博覽價：$280/兩支 (原價$300/兩支)
想買平底鑊的媽媽們要留意啦！美食博覽首日10:30AM，香港優質標誌局(Q嘜)攤位內會有1蚊1個Kinox不銹鋼平底鑊(不含蓋 / 8180 系列 24 厘米)出售，手快有，手慢就要去返Kinox攤位，以原價$450購買啦！不過買唔到都唔緊要，因為由8 月 14 日至 8 月 17 日期間，入場人士可參與問答遊戲，一千多份 Q 嘜禮物，包括刀嘜食油、獅球嘜食油、金象牌泰國茉莉香米、APOLLO 大力剪、李錦記方便醬包、京都念慈菴枇杷膏、同珍蠔油、稻香月餅等獎品等緊你嚟拎！
公眾館 攤位編號：1A-E31
嘩！你無睇錯啊，一毫子就買到一杯乳酪甜品啦 (原價$42)，仲足足有成13種口味，包括檸檬薄荷﹑肉桂梨﹑開心果白朱古力等，每日限售30樽！入場前記得摷返啲毫子出嚟喇!
Pastoret西班牙工藝乳酪甜品
美食博覽 價：$0.1一杯 (原價$42)
公眾館 攤位編號：3D-D13
下頁有：韓國美食登陸 Crispy Roll & 蜂蜜牛油系列
韓國美食登陸 Crispy Roll & 蜂蜜牛油系列
韓國美食又點少得蜂蜜牛油系列呢？除咗蜂蜜牛油薯片之外，最近仲推出咗蜂蜜牛油杏仁，以特有乾焗技術將新鮮的杏仁、核桃、腰果、夏威夷果原粒低温慢火乾焗 至微香，外層再塗抺桂花蜂蜜和紐西蘭牛油，然後烘焗至金黃香脆，令蜂蜜和牛油的香味完全滲入到果仁內。另外仲有一款韓國小食Crispy Roll同樣可以係 美食博覽 有售，Crispy Roll由29種穀物及蔬菜製成酥脆外層，卷心注入芝士，韓國製造，外脆內軟，好味又健康。真係隔住個MON都聞到陣味啊！
蜂蜜肉桂杏仁 250克（左）
美食博覽 價：$58（原價：$78）
蜂蜜牛油杏仁（右）
美食博覽 價：$10 (35克) ；$22(80克) 原價：$14 (35克) ; $32 (80克)
凡於 美食博覽 購買任何220g或250g Honey Butter Nuts果仁2包，即送35g蜂蜜牛油杏仁1包 (價值$14)。
公眾館 攤位編號：1B – D18
Crispy Roll（忌廉芝士 / 車打芝士 / 雲呢拿）
美食博覽 價： 40g 杯裝 ($15/杯；$40/3杯), 80g 袋裝 ($20/包；$50/3包)
公眾館 攤位編號：3E-B20
下頁有：燕窩粟米汁
只此一檔 燕窩粟米汁
想飲新鮮粟米汁，咁你一定唔可以錯過呢個攤位啦！「2+3」新鮮粟米汁每日採用新鮮粟米製成，不含任何人工色素、防腐劑及其他化學物質！而且仲可以能降低膽固醇、美膚養顏，一家大小都啱飲啊！今次 美食博覽 仲特別推出燕窩粟米汁，啱晒貪靚一族啦！
燕窩粟米汁
美食博覽價：$60支
尊貴美食區 攤位編號：3B-E24/ 3B-F23
下頁有：日本和歌山備長炭卷蛋
限量發售 日本和歌山備長炭卷蛋
備長炭除咗可以用嚟除異味和吸濕及之外，仲可以用嚟食？日本一個研究指出，極幼細的備長炭粉末，有助將藏在腸胃內未被消化的微粒吸收並且排出體外，幫助消化。今次美食展出售來自日本和歌山的備長炭卷蛋，採用日本和歌山紀州備長炭粉加鮮忌廉製造，好味之餘仲可以幫助消化添！美食博覽每日限量25條咋！
日本和歌山備長炭卷蛋
美食博覽 價：$108 一條
原價：$135一條
公眾館 攤位編號：3D-C10
每年嘅 美食博覽 ，1蚊都好似特別好用！因為運氣好的話，隨時可以用$1可以買到海鮮、湯包或者酒等貴價野！
安記「 搶鮑山 」 1蚊1分鐘任搶
要搶平嘢梗係要付出啦！今年安記推出搶「 鮑 」山環節，開幕當日入場首10位顧客，可以用$1任搶鮑魚山，限時1分鐘，只要你搶到幾多個假乾鮑，就有幾多個台灣8頭即食鮑拎走啦！
公眾館 攤位編號：1C-A10
$1飲鴻星即飲湯包
生蠔控注意！今年点点綠推出1蚊一打「紐西蘭有機生蠔」，另外仲有$1一盒有機豆奶及燕麥粥，每日名額均為50份！
公眾館 攤位編號：1E-B18
美食博覽 2015
地址：灣仔港灣道1號香港會議展覽中心
展覽日期及時間：8月13日 -16日10am-10pm、8月17日10am-6pm
門票：
1. 美食博覽公眾館、尊貴美食區及家電 • 家品 •博覽套票 : $40/ 位
2. 美食博覽公眾館及家電 • 家品 • 博覽門票:$25/ 位
3. 美食博覽公眾館及家電 • 家品 • 博覽 2015 晚間進場票:$10/ 位
購票地點：門票於指定7-11、OK 便利店、快達票售票網及現場有售。
