老公偷食 反而怪責因為老婆生唔到仔？
廣告
有網民在討論區留言，話無意中發現老公有第三者，質問老公時，卻被佢反咬話因為對方生唔到仔，所以搞到佢好大壓力！引來網民群插之餘，亦有網民表示：「好彩未生仔，趁早離婚啦！」
撰文：Sunday Kiss
相片：無綫電視片段截圖
老公偷食 反而怪責因為老婆生唔到仔？
該位太太在討論區大吐苦水，表示執野時無意中發現老公有第二部電話，見到有人發「情慾短訊」俾佢，因為有密碼所以睇唔到，於是就質問老公，老公反而責怪返佢轉頭，話佢自己都唔想，仲話：「因為你生唔到仔，搞到我好大壓力！」該位太太直言聽到老公咁講，即時「嬲到震」，仲反問：「生唔到仔係我一個人嘅事？」佢直言除咗離婚之外都諗唔到有咩辦法。
有網民分享自己朋友的個案。
個心唔係你度，就咩都會話你唔好
我見過好多偷食完番去屋企求老婆原諒，呢啲男人都可以叫老婆考慮下要唔要原諒佢
但如果斷正左都咁臭串，佢真係當你死，早走早幸福
有網民對男人感到失望。
男人偷食而家已經唔係新聞，唔偷食先係，佢肯返屋企咪算囉
偷食斷正嘅男人最鐘意將個責任推俾人架啦~~
該位太太感謝大家的支持，更留言祝福對方。
一次不忠，已經無彎轉，既然我生唔到仔，就祝佢搵到個同佢生到仔嘅女人
