老師 傳曖昧信息予小六女生 稱只屬「關心」

撰文：Sunday Kiss

有網民喺「名校Secrets」度出post話自己啱啱小六畢業嘅妹妹同佢哋講話小學 老師 send whatsapp同佢講佢係事主屋企門口，網民對 老師 嘅行為感到驚訝，後尾透過妹妹同 老師 嘅對話發現師曾向妹妹傳送「你先係我女神」、「好掛住你」、「I♥U」等曖昧說話。仲送咗隻公仔俾妹妹，要求妹妹「同隻公仔selfie張相黎睇下」。

除咗曖昧對話之外，妹妹亦表示老師 同佢有身體接觸，會係全班同學面前拖同「撓」住佢。網民認為 老師 嘅行為不當，於是向小學校長投訴，但嗰位老師就解釋話「只係當妹妹是女兒般看待」同對話出於「關心」。

其他網民回應：

「其實好似可以告性騷擾，有拖手丫嘛，咁即係呢個接觸令樓主阿妹唔舒服、唔開心，真係可以報警求助」

「你細妹因怕事就咁放過啲人渣，你身為呀哥係咪好應該去分析比細妹知呢？點解唔同父母商量呢？點解唔去搵社工呢？分分鍾有人仲左招呀，我覺得而家最好先同你妹妹傾下睇下佢有冇事（最好有社工或女性）第二係報警，第三係去教育局投訴……你自己諗丫」

「呢次真係可以報警處理,可以既話就直接報警,咁樣叫人留意下用處唔大,可能佢背後已經有對其他同學做更過分既事」

「呢件事一定要比傳媒同教育局知道，嚴肅處理，唔可以放過呢啲變態」

「有身體接觸，你妹妹覺得唔舒服，又加上WhatsApp騷擾，好大機會係性騷擾。」